കുവൈറ്റ് സിറ്റി: വിവിധ ഗവർണറേറ്റുകളിൽ ജനറൽ ട്രാഫിക് ഡിപ്പാർട്ട്മെന്റ് നടത്തിയ വ്യാപകമായ സുരക്ഷാ-ട്രാഫിക് ക്യാമ്പയിനുകളിൽ 25 പേർ പിടിയിലായി. താമസനിയമ ലംഘനങ്ങളും ക്രിമിനൽ കുറ്റങ്ങളും ഉൾപ്പെടെ വിവിധ കേസുകളിൽ നിയമം തിരയുന്നവരാണ് പിടിയിലായവരെന്ന് സുരക്ഷാ വൃത്തങ്ങൾ അറിയിച്ചു.താമസനിയമ ലംഘനം: കാലാവധി കഴിഞ്ഞ വിസയിൽ രാജ്യത്ത് തുടരുന്നവർ.ഒളിവിൽ പോയവർ: സ്പോൺസർമാരിൽ നിന്ന് ഒളിവിൽ പോയതായി റിപ്പോർട്ട് ചെയ്യപ്പെട്ടവർ.അറസ്റ്റ് വാറന്റ്: കോടതികളിൽ നിന്നും മറ്റ് സുരക്ഷാ ഏജൻസികളിൽ നിന്നും മുൻപ് അറസ്റ്റ് വാറന്റ് പുറപ്പെടുവിച്ചിട്ടുള്ളവർ.സംശയാസ്പദമായ പ്രവർത്തനങ്ങൾ: നിയമവിരുദ്ധമായ മറ്റ് പ്രവർത്തനങ്ങളിൽ ഏർപ്പെട്ടവർ.ഈ നിയമലംലനങ്ങൾക്കാണ് അറസ്റ്റുകൾ രേഖപ്പെടുത്തിയത്. ഏഷ്യൻ വംശജരായ ഒരു പുരുഷനും സ്ത്രീയും ജലീബ് അൽ-ഷുയൂഖിൽ വെച്ച് പോലീസിന്റെ പിടിയിലായി. പ്രാദേശികമായി നിർമ്മിച്ച മദ്യം വിൽക്കുന്നതിനിടെയാണ് ഇവരെ പിടികൂടിയത്. വിൽപനയ്ക്ക് തയ്യാറാക്കി വെച്ചിരുന്ന 30 കുപ്പി മദ്യവും ഇവരിൽ നിന്ന് പോലീസ് കണ്ടെടുത്തിട്ടുണ്ട്.പിടിയിലായ എല്ലാവരെയും തുടർ നടപടികൾക്കായി ബന്ധപ്പെട്ട വകുപ്പുകൾക്ക് കൈമാറി. നിയമലംഘകരെ കണ്ടെത്താൻ വരും ദിവസങ്ങളിലും പരിശോധനകൾ തുടരുമെന്ന് ആഭ്യന്തര മന്ത്രാലയം വ്യക്തമാക്കി.
