കുവൈറ്റ് സിറ്റി: കുവൈറ്റ് അന്താരാഷ്ട്ര വിമാനത്താവളത്തിലെ അത്യാധുനികമായ പുതിയ ടെർമിനൽ (ടി2) പദ്ധതി നിർമ്മാണത്തിന്റെ 81.14 ശതമാനവും പൂർത്തിയായതായി ഗവൺമെന്റ് പെർഫോമൻസ് മോണിറ്ററിംഗ് ഏജൻസി അറിയിച്ചു. 2025 ഡിസംബർ വരെയുള്ള കണക്കുകൾ പ്രകാരമാണിത്. നിശ്ചിത സമയപരിധിക്കുള്ളിൽ തന്നെ ഏറ്റവും ഉയർന്ന ഗുണനിലവാരത്തിലും കാര്യക്ഷമതയിലും പദ്ധതി പൂർത്തിയാക്കാനുള്ള ശ്രമങ്ങൾ പുരോഗമിക്കുകയാണ്. നിലവിലെ യാത്രാത്തിരക്ക് പരിഹരിക്കുക എന്നതിലുപരി, ഭാവിയിലെ വിപുലീകരണങ്ങൾ കൂടി ലക്ഷ്യമിട്ടാണ് ഈ ടെർമിനൽ രൂപകൽപ്പന ചെയ്തിരിക്കുന്നത്.
