കുവൈത്ത് സിറ്റി: നാഷണൽ ഗാർഡിന്റെ ഫിനാൻഷ്യൽ അഫയേഴ്സ് ആൻഡ് റിസോഴ്സ് മാനേജ്മെന്റ് അസിസ്റ്റന്റ് മേജർ ജനറൽ റിയാദ് മുഹമ്മദ് തവാരി നാഷണൽ ഗാർഡ് സുരക്ഷാ ചുമതലയുള്ള ഒരു കേന്ദ്രം സന്ദർശിച്ച് സ്ഥിതി വിലയിരുത്തി.സന്ദർശനത്തിനിടെ ഉയർന്ന ജാഗ്രതയും പ്രവർത്തനവും നിലനിർത്തേണ്ടതിന്റെ പ്രാധാന്യം അദ്ദേഹം ഊന്നിപ്പറഞ്ഞു. ഇതിലൂടെ നാഷണൽ ഗാർഡ് യൂണിറ്റുകൾക്ക് സർക്കാർ മന്ത്രാലയങ്ങളെയും സ്ഥാപനങ്ങളെയും കൂടുതൽ ഫലപ്രദമായി പിന്തുണയ്ക്കാനും രാജ്യത്തിന്റെ സുരക്ഷയും സ്ഥിരതയും ശക്തിപ്പെടുത്താനും കഴിയുമെന്ന് അദ്ദേഹം പറഞ്ഞു.
നാഷണൽ ഗാർഡ് നേതൃത്വത്തിന്റെ ആശംസകളും അഭിനന്ദനവും സേനാംഗങ്ങൾക്ക് അദ്ദേഹം കൈമാറി. രാജ്യത്തെ പ്രധാന സൗകര്യങ്ങൾ സുരക്ഷിതമാക്കുന്നതിൽ നാഷണൽ ഗാർഡ് സേനാംഗങ്ങൾ നിർവഹിക്കുന്ന വലിയ ദേശീയ സേവനത്തെ അദ്ദേഹം പ്രശംസിക്കുകയും അവരുടെ ഉയർന്ന സജ്ജതയും മനോബലവും അഭിനന്ദിക്കുകയും ചെയ്തു.
