കുവൈത്ത്സിറ്റി: കുവൈത്തിന്റെ വായുമണ്ഡലത്തിലും പ്രദേശിക കടൽജലങ്ങളിലും റേഡിയേഷൻ നില സാധാരണ നിലയിലാണെന്ന് നാഷണൽ ഗാർഡ് അറിയിച്ചു.നാഷണൽ ഗാർഡിന്റെ ഔദ്യോഗിക വക്താവും ഡയറക്ടർ ഓഫ് മോറൽ ഗൈഡൻസ് ആൻഡ് പബ്ലിക് റിലേഷൻസുമായ ബ്രിഗേഡിയർ ജനറൽ ഡോ. ജദ്ആൻ ഫദൽ കുവൈത്ത് ന്യൂസ് ഏജൻസിയോട് (KUNA) പറഞ്ഞു, ഷെയ്ഖ് സലേം അൽ-അലി കെമിക്കൽ ഡിഫൻസ് ആൻഡ് റേഡിയോളജിക്കൽ മോണിറ്ററിംഗ് സെന്ററിലെ വിദഗ്ധ സംഘം ബന്ധപ്പെട്ട സർക്കാർ ഏജൻസികളുമായി ചേർന്ന് സ്ഥിതി നിരന്തരം നിരീക്ഷിക്കുകയാണെന്ന്.
റേഡിയേഷൻ നിരീക്ഷണ സംവിധാനം 24 മണിക്കൂറും പൂർണ കാര്യക്ഷമതയോടെ പ്രവർത്തിക്കുന്നുവെന്നും, എല്ലാവരുടെയും സുരക്ഷ ഉറപ്പാക്കുന്നതിനായി നടപടികൾ തുടരുന്നതായും അദ്ദേഹം വ്യക്തമാക്കി. ജനങ്ങൾ അഭ്യൂഹങ്ങൾ വിശ്വസിക്കാതെ ഔദ്യോഗിക വിവരങ്ങൾ മാത്രമേ ആശ്രയിക്കാവൂ എന്നും അദ്ദേഹം അഭ്യർഥിച്ചു. കൂടാതെ കുവൈത്തിനും ജനങ്ങൾക്കും എല്ലാ അപകടങ്ങളിൽ നിന്നുമുള്ള സംരക്ഷണം ലഭിക്കട്ടെയെന്ന് അദ്ദേഹം പ്രാർത്ഥിച്ചു.
