കുവൈത്ത് സിറ്റി : കുവൈത്തിന്റെ പ്രധാനമന്ത്രി ഷെയ്ഖ് അഹമ്മദ് അബ്ദുല്ല അൽ-അഹമ്മദ് അൽ-സബാഹ് കുവൈത്ത് സപ്ലൈ കമ്പനിയും കുവൈത്ത് ഫ്ലവർ മിൽസ് ആൻഡ് ബേക്കറീസ് കമ്പനിയും സന്ദർശിച്ച് പരിശോധന നടത്തി.
സന്ദർശനത്തിനിടെ രാജ്യത്തിന്റെ അവശ്യ ഭക്ഷ്യവസ്തുക്കളുടെ തന്ത്രപ്രധാന ശേഖരത്തിന്റെ നില പ്രധാനമന്ത്രി വിലയിരുത്തി. വിവിധ ഭക്ഷ്യ ഉൽപ്പന്നങ്ങളുടെ വിതരണം സംബന്ധിച്ച പദ്ധതികളും സപ്ലൈ ചെയിൻ തടസ്സമില്ലാതെ പ്രവർത്തിക്കുന്നതും ഉറപ്പാക്കുന്നതിന് ആവശ്യമായ നടപടികളും അദ്ദേഹം പരിശോധിച്ചു.
ഭക്ഷ്യവസ്തുക്കളുടെ വിതരണം, സംഭരണം, വിതരണ നടപടികൾ എന്നിവ കൃത്യമായി നടക്കുന്നുണ്ടെന്ന് ഉറപ്പുവരുത്തുന്നതിനാണ് ഈ പരിശോധന സന്ദർശനം നടത്തിയതെന്ന് അധികൃതർ അറിയിച്ചു.
