കുവൈറ്റ് സിറ്റി : കഴിഞ്ഞ മാസം സുലൈബിയ ജയിൽ കെട്ടിടത്തിൽ ഉണ്ടായ തീപിടിത്തത്തെ തുടർന്നുള്ള മരണ സംഖ്യ നാലായി. തീപിടുത്തത്തിൽ പരിക്കേറ്റ് ചികിത്സയിലിരുന്ന കുവൈത്ത് ഫസ്റ്റ് വാറന്റ് ഓഫീസർ ഖാലിദ് അൽ-ഷറഫ് (ജനറൽ ഡയറക്ടറേറ്റ് ഓഫ് കറക്ഷണൽ ഇൻസ്റ്റിറ്റ്യൂഷൻ) മരിച്ചതായി ആഭ്യന്തര മന്ത്രാലയം അറിയിച്ചു. ഒന്നാം ഉപപ്രധാനമന്ത്രിയും ആഭ്യന്തര മന്ത്രിയുമായ ഷെയ്ഖ് ഫഹദ് യൂസഫ് സൗദ് അൽ-സബാഹ്, ആഭ്യന്തര മന്ത്രാലയത്തിന്റെ അണ്ടർസെക്രട്ടറി മേജർ ജനറൽ അബ്ദുൾവഹാബ് അഹമ്മദ് അൽ-വുഹൈബ്, മന്ത്രാലയത്തിലെ ഓഫീസർമാർ എന്നിവർ ഖാലിദ് അഹമ്മദ് അൽ-ഷറഫിന്റെ വിയോഗത്തിൽ അഗാധമായ ദുഃഖം രേഖപ്പെടുത്തി. ഫെബ്രുവരി 4 ബുധനാഴ്ച അസർ പ്രാർത്ഥനയ്ക്ക് ശേഷം സുലൈബിഖത്ത് സെമിത്തേരിയിൽ സംസ്കാരം നടക്കും.വാറന്റ് ഓഫീസർ ഖാലിദ് അൽ-ഷറഫും, കേണൽ അൽ-ഖംസാനും, അൽ-ഹജ്രിയും, ഒരു ഈജിപ്തുകാരനും ഉൾപ്പടെ നാല് പേരാണ് ഇതുവരെ അപകടത്തിൽ മരിച്ചത്.
