കുവൈറ്റ് സിറ്റി : ഫഹാഹീൽ എക്സ്പ്രസ് വേയിലെ ഫാസ്റ്റ് ലെയ്ൻ സെക്കൻഡ് റിംഗ് റോഡ് ഇന്റർസെക്ഷൻ മുതൽ കെയ്റോ റോഡ് ഇന്റർസെക്ഷൻ വരെ അടച്ചിടും. അബ്ദുൽ അസീസ് ബിൻ അബ്ദുൾറഹ്മാൻ അൽ സൗദ് റോഡിലെ (ഫഹാഹീൽ എക്സ്പ്രസ് വേ) രണ്ടാം റിംഗ് റോഡിന്റെ (ഖാലിദ് യൂസഫ് അൽ മർസൂഖ് റോഡ്) ഇന്റർസെക്ഷൻ മുതൽ കെയ്റോ റോഡ് ഫഹാഹീലിലേക്കുള്ള ഇന്റർസെക്ഷൻ വരെയുള്ള ഫാസ്റ്റ് ലെയ്ൻ ഞായറാഴ്ച വൈകുന്നേരം 10:00 മുതൽ രാവിലെ 10:00 വരെ 15 ദിവസത്തേക്ക് അടച്ചിടുമെന്ന് ജനറൽ ട്രാഫിക് വകുപ്പ് അറിയിച്ചു. ആവശ്യമായ റോഡ് അറ്റകുറ്റപ്പണികൾ പൂർത്തിയാക്കുന്നതിനായാണ് ഇത്.
