കുവൈത്ത് സിറ്റി: ഹൈവേകളിൽ ആഭ്യന്തര മന്ത്രാലയത്തിൻ്റെ വിവിധ മേഖലകൾ സുരക്ഷാ, ട്രാഫിക് ക്യാമ്പയിൻ നടത്തിയതായി ജനറൽ ട്രാഫിക് ഡിപ്പാർട്ട്മെൻ്റ് അറിയിച്ചു. വ്യാഴാഴ്ച രാവിലെയാണ് പരിശോധനകൾ നടത്തിയത്. ഈ പ്രവർത്തനത്തിൽ ട്രാഫിക് അഫയേഴ്സ് ആൻഡ് ഓപ്പറേഷൻസ് സെക്ടർ (ജനറൽ ട്രാഫിക് ഡിപ്പാർട്ട്മെൻ്റ്, ജനറൽ ഡിപ്പാർട്ട്മെൻ്റ് ഓഫ് റെസ്ക്യൂ പോലീസ്, സെൻട്രൽ ജനറൽ ഡിപ്പാർട്ട്മെൻ്റ് ഓഫ് ഓപ്പറേഷൻസ് എന്നിവയുൾപ്പെടെ), പബ്ലിക് സെക്യൂരിറ്റി അഫയേഴ്സ് സെക്ടറും പ്രൈവറ്റ് സെക്യൂരിറ്റി അഫയേഴ്സ് സെക്ടറും ഉൾപ്പെടുന്നു. വാണ്ടഡ് ലിസ്റ്റിലുള്ളവർ, റെസിഡൻസി നിയമം ലംഘിക്കുന്നവർ, ഹാജരാകാത്തവർ എന്നിവരുൾപ്പെടെ 27 പേരാണ് അറസ്റ്റിലായത്. കൂടാതെ, ലൈസൻസില്ലാതെ വാഹനമോടിച്ചതിന് പ്രായപൂർത്തിയാകാത്ത എട്ട് പേരെ കസ്റ്റഡിയിലെടുത്തു. 1,645 ട്രാഫിക് നിയമലംഘനങ്ങൾ പുറപ്പെടുവിക്കുകയും 17 വാഹനങ്ങൾ പിടിച്ചെടുക്കുകയും ചെയ്തു.
