കുവൈറ്റ് സിറ്റി : ശനിയാഴ്ച തുറമുഖത്തിന് സമീപമുള്ള പ്രദേശങ്ങളിൽ ഷെൽ ശകലങ്ങൾ വീണതിനെ തുടർന്ന് മുൻകരുതൽ നടപടിയായി താൽക്കാലികമായി നിർത്തിവച്ചിരുന്ന ശുഐബ പോർട്ടിലെ പ്രവർത്തനങ്ങൾ ഘട്ടംഘട്ടമായി പുനരാരംഭിച്ചിരിക്കുന്നുവെന്ന് കുവൈത്ത് പോർട്സ് അതോറിറ്റി ഞായറാഴ്ച അറിയിച്ചു.
സുരക്ഷാ മാനദണ്ഡങ്ങൾ അനുസരിച്ച് ആവശ്യമായ പരിശോധനകളും വിലയിരുത്തലുകളും പൂർത്തിയാക്കിയ ശേഷമാണ് പ്രവർത്തനം പുനരാരംഭിച്ചത്. തുറമുഖ സൗകര്യങ്ങളുടെയും ജീവനക്കാരുടെയും സുരക്ഷ ഉറപ്പാക്കിയിട്ടുണ്ടെന്നും അധികൃതർ അറിയിച്ചു. പ്രവർത്തനങ്ങൾ ക്രമമായി സാധാരണ നിലയിലേക്ക് മടങ്ങിക്കൊണ്ടിരിക്കുകയാണെന്നും, ചരക്ക് കൈകാര്യം ചെയ്യലും കപ്പൽ ഗതാഗതവും സുരക്ഷാ നടപടികൾ പാലിച്ച് തുടരുന്നതായും പോർട്സ് അതോറിറ്റി വ്യക്തമാക്കി.
