.കുവൈത്ത് സിറ്റി: ഇന്ന് പുലർച്ചെ കുവൈത്തിന്റെ ആകാശപരിധിയിൽ പ്രവേശിക്കാൻ ശ്രമിച്ച നിരവധി ആക്രമണങ്ങളെ തടഞ്ഞതായും അവ നശിപ്പിച്ചതായും പ്രതിരോധ മന്ത്രാലയം അറിയിച്ചു. രാജ്യത്തിന്റെ വ്യോമ പ്രതിരോധ സംവിധാനങ്ങൾ ഉടൻ പ്രതികരിച്ചു ലക്ഷ്യങ്ങളെ വിജയകരമായി തകർത്തുവെന്ന് മന്ത്രാലയം വ്യക്തമാക്കി.
ഇന്റർസെപ്ഷൻ നടപടിക്കിടെ തകർത്ത ലക്ഷ്യങ്ങളുടെ അവശിഷ്ടങ്ങൾ രാജ്യത്തിനുള്ളിലെ ഒരു താമസവീട്ടിന് മുകളിലേക്ക് വീണതിനെ തുടർന്ന് ചിലർക്കു പരിക്കുകളും വസ്തു നാശനഷ്ടങ്ങളും സംഭവിച്ചതായും റിപ്പോർട്ട് ചെയ്തു. പരിക്കേറ്റവർക്ക് ആവശ്യമായ ചികിത്സ ലഭ്യമാക്കിയതായി ബന്ധപ്പെട്ട അധികൃതർ അറിയിച്ചു.രാജ്യത്തിന്റെ പരമാധികാരം, സുരക്ഷ, സ്ഥിരത എന്നിവ ഉറപ്പാക്കുന്നതിനായി സായുധസേനകൾ തങ്ങളുടെ കടമകൾ തുടർന്നും നിർവഹിക്കുമെന്നും രാജ്യത്തിന്റെ ഭൂപ്രദേശവും പൗരന്മാരുടെയും താമസക്കാരുടെയും സുരക്ഷ ഉറപ്പാക്കാൻ ആവശ്യമായ എല്ലാ നടപടികളും സ്വീകരിക്കുമെന്നും പ്രതിരോധ മന്ത്രാലയം വ്യക്തമാക്കി.
