കുവൈത്ത് സിറ്റി: കുവൈത്തിൽ ശൈത്യം അതിന്റെ പാരമ്യത്തിൽ. രാജ്യത്തെ പല ഭാഗങ്ങളിലും താപനില പൂജ്യം ഡിഗ്രി ബാരിയർ മറികടന്നു. കാലാവസ്ഥാ നിരീക്ഷണ കേന്ദ്രത്തിന്റെ കണക്കുകൾ പ്രകാരം അൽ സൽമി പ്രദേശം, വാർബ, ബുബിയാൻ ദ്വീപുകൾ എന്നിവിടങ്ങളിൽ ഏറ്റവും കുറഞ്ഞ താപനില -1 ഡിഗ്രി സെൽഷ്യസ് രേഖപ്പെടുത്തി.3 ഡിഗ്രി സെൽഷ്യസ്, അൽ-അബ്ദാലി 2 ഡിഗ്രി സെൽഷ്യസ്, കുവൈത്ത് സിറ്റി 6 ഡിഗ്രി സെൽഷ്യസ് എന്നിങ്ങനെയാണ് മറ്റ് സ്ഥലങ്ങളിലെ താപനില. അതിശൈത്യം തുടരും. മണിക്കൂറിൽ 8 മുതൽ 32 കിലോമീറ്റർ വേഗതയിൽ വടക്കുപടിഞ്ഞാറൻ കാറ്റ് വീശാൻ സാധ്യതയുണ്ട്. ആകാശത്ത് ചിതറിക്കിടക്കുന്ന മേഘങ്ങൾ കാണപ്പെട്ടേക്കാം. മരുഭൂമി മേഖലകളിലും കാർഷിക പ്രദേശങ്ങളിലും മഞ്ഞ് വീഴ്ചയ്ക്ക് സാധ്യതയുള്ളതിനാൽ ജാഗ്രത പാലിക്കണം. പകൽ തണുപ്പുള്ള കാലാവസ്ഥയായിരിക്കും അനുഭവപ്പെടുക. കാറ്റിന്റെ വേഗത മണിക്കൂറിൽ 8 മുതൽ 30 കിലോമീറ്റർ വരെയായിരിക്കും. ഈ സാഹചര്യത്തിൽ, പ്രത്യേകിച്ച് മരുഭൂമിയിൽ ക്യാമ്പ് ചെയ്യുന്നവരും തുറസ്സായ സ്ഥലങ്ങളിൽ ജോലി ചെയ്യുന്നവരും മതിയായ മുൻകരുതലുകൾ എടുക്കണമെന്ന് അധികൃതർ നിർദ്ദേശിച്ചു. അതിശൈത്യം വരും ദിവസങ്ങളിലും തുടരാൻ സാധ്യതയുണ്ട്.
