കുവൈറ്റ് സിറ്റി : കഴിഞ്ഞ ദിവസം സുലൈബിയ ജയിൽ കെട്ടിടത്തിൽ ഉണ്ടായ തീപിടിത്തത്തെ തുടർന്നുള്ള മരണ സംഖ്യ മൂന്നായി. തീപിടുത്തത്തിൽ പരിക്കേറ്റ് ചികിത്സയിലിരുന്ന സൈനികൻ മുഹമ്മദ് അൽ-ഹജ്രിയുടെ മരണവും ആഭ്യന്തര മന്ത്രാലയം അറിയിച്ചു. കഴിഞ്ഞ ദിവസം മരിച്ച കേണൽ സൗദ് നാസർ അൽ ഖംസാന്റെ സംസ്കാര ചടങ്ങുകളിൽ കുവൈറ്റ് ഉപപ്രധാനമന്ത്രിയും പ്രതിരോധ-ആഭ്യന്തര മന്ത്രിയുമായ ഷെയ്ഖ് ഫഹദ് അൽ യൂസഫ് അൽ സബാഹ് നേരിട്ടെത്തി അന്ത്യോപചാരമർപ്പിച്ചിരുന്നു. ആഭ്യന്തര മന്ത്രാലയ അണ്ടർസെക്രട്ടറി മേജർ ജനറൽ അബ്ദുൽ വഹാബ് അൽ വഹൈബ്, മുതിർന്ന സുരക്ഷാ-സൈനിക ഉദ്യോഗസ്ഥർ, ബന്ധുക്കൾ, സുഹൃത്തുക്കൾ തുടങ്ങി വൻ ജനവലിഭമാണ് സംസ്കാര ചടങ്ങുകളിൽ പങ്കെടുത്തത്.വാറന്റ് ഓഫീസർ മുഹമ്മദ് അൽ-ഷറഫും രണ്ട് ഈജിപ്ഷ്യൻ തൊഴിലാളികളും ഇപ്പോഴും ചികിത്സയിലാണ്. ഒരു ഈജിപ്തുകാരനും കേണൽ അൽ-ഖംസാനും, അൽ-ഹജ്രിയുമാണ് മരണപ്പെട്ട മൂന്നുപേർ.
