കുവൈത്ത്: രാജ്യത്തിന്റെ വ്യോമ പരിധി സംരക്ഷിക്കുന്നതിനായുള്ള പൂർണ സജ്ജീകരണങ്ങളുടെ ഭാഗമായി ഇന്ന് (തിങ്കളാഴ്ച ) പുലർച്ചെ കുവൈത്തിലെ വ്യോമ പ്രതിരോധ സേന നിരവധി ശത്രുതപരമായ വ്യോമ ലക്ഷ്യങ്ങളെ വിജയകരമായി തടഞ്ഞതായി പ്രതിരോധ മന്ത്രാലയത്തിന്റെ ഔദ്യോഗിക വക്താവ് അറിയിച്ചു.കേന്ദ്ര ഓപ്പറേഷൻ മേഖലയ്ക്ക് കീഴിലുള്ള ആകാശപരിധിയിലായിരുന്നു ലക്ഷ്യങ്ങൾ കണ്ടെത്തുകയും കാര്യക്ഷമമായും പ്രൊഫഷണൽ രീതിയിലും അവയെ പ്രതിരോധിക്കുകയും ചെയ്തതെന്ന് വക്താവ് വ്യക്തമാക്കി. സംഭവത്തിൽ ആളപായമോ പരിക്കുകളോ റിപ്പോർട്ട് ചെയ്തിട്ടില്ല.രാജ്യത്തിന്റെ സുരക്ഷയും സ്ഥിരതയും ഉറപ്പാക്കുന്നതിനായി സായുധ സേന എല്ലാ സാഹചര്യങ്ങളും നിരീക്ഷിച്ചുകൊണ്ട് അവരുടെ ദൗത്യം തുടരുമെന്നും, ഉണ്ടാകാവുന്ന ഏതൊരു വികസനങ്ങളെയും നേരിടാൻ സജ്ജമാണെന്നും അദ്ദേഹം കൂട്ടിച്ചേർത്തു.
