ഫെബ്രുവരി 11 മുതല് ഡിസംബര് 31 വരെ ടിക്കറ്റ് നിരക്കില് ഇരുപത് 20 ശതമാനം ഇളവുമായി എയര് ഇന്ത്യ എക്സ്പ്രസ്. ‘എക്സ്പ്രസ് മോര് സെയില്’ എന്ന പേരില് പ്രഖ്യാപിച്ചിരിക്കുന്ന ഓഫര് ഫെബ്രുവരി അഞ്ച് വരെ ബുക്ക് ചെയ്യുന്ന ടിക്കറ്റുകള്ക്കാണ് ടിക്കറ്റ് നിരക്കില് ഇളവ് ലഭിക്കുക.
ആഭ്യന്തര, അന്താരാഷ്ട്ര യാത്രകളില് 20 ശതമാനം വരെ കിഴിവ് ലഭ്യമാക്കുമെന്നാണ് പ്രഖ്യാപനം. ഓഫര് കാലയളവില് എയര് ഇന്ത്യ എക്സ്പ്രസ് വെബ്സൈറ്റിലൂടെയും മൊബൈല് ആപ്പിലൂടെയും ബുക്ക് ചെയ്യുന്ന ടിക്കറ്റുകള്ക്ക് കണ്വീനിയന്സ് ഫീസ് ഈടാക്കില്ല. കൂടാതെ ഒരുതവണ സൗജന്യമായി യാത്രാ തീയതി മാറ്റാനും സാധിക്കും.
എക്സ്പ്രസ് ലൈറ്റ് നിരക്കുകളില് യാത്ര ചെയ്യുന്നവര്ക്കും പ്രത്യേക ആനുകൂല്യം പ്രഖ്യാപിച്ചിട്ടുണ്ട്. ഇത്തരക്കാര്ക്ക് സൗജന്യ ക്യാബിന് ബാഗേജിന് പുറമെ അധിക ചെക്ക് ഇന് ലഗേജ് ഉണ്ടെങ്കില് ആഭ്യന്തര യാത്രകളില് 15 കിലോ ചെക്ക് ഇന് ബാഗേജിന് 1500 രൂപ മാത്രം നല്കിയാല് മതിയാകും.
അന്താരാഷ്ട്ര വിമാനങ്ങളില് 20 കിലോയ്ക്ക് 2500 രൂപയാണ് നിരക്കെന്നും എയര് ഇന്ത്യ എക്സപ്രസ് അറിയിച്ചു. വെബ്സൈറ്റിലൂടെയോ മൊബൈല് ആപ്പിലൂടെയോ ടിക്കറ്റെടുക്കുന്ന വിദ്യാര്ത്ഥികള്, മുതിര്ന്ന പൗരന്മാര്, സായുധ സേനാംഗങ്ങള്, അവരുടെ ആശ്രിതര് എന്നിവര്ക്ക് പ്രത്യേക കിഴിവും ലഭിക്കും.
