കുവൈറ്റ് സിറ്റി: രാജ്യത്തെ ഭക്ഷ്യ സുരക്ഷാ സംവിധാനങ്ങൾ വിലയിരുത്തുന്നതിനായി പബ്ലിക് അതോറിറ്റി ഫോർ ഫുഡ് ആൻഡ് ന്യൂട്രീഷൻ (PAFN) ഉന്നതതല പരിശോധന നടത്തി.
അതോറിറ്റിയുടെ ഔദ്യോഗിക വക്താവും കമ്മ്യൂണിറ്റി ന്യൂട്രീഷൻ അഫയേഴ്സ് ഡെപ്യൂട്ടി ഡയറക്ടർ ജനറലുമായ ഡോ. ഷൈമ അൽ അസ്ഫൂർ സുലൈബിയ അതിർത്തി കടവിലും സുലൈബിയ ലബോറട്ടറിയിലും നേരിട്ടെത്തി പ്രവർത്തനങ്ങൾ വിലയിരുത്തി. കുവൈറ്റിലേക്ക് പ്രവേശിക്കുന്ന ഭക്ഷ്യവസ്തുക്കളുടെ ഗുണനിലവാര പരിശോധനയും അനുബന്ധ നടപടിക്രമങ്ങളും എത്രത്തോളം കാര്യക്ഷമമായാണ് നടക്കുന്നത് എന്ന് അദ്ദേഹം സന്ദർശന വേളയിൽ നിരീക്ഷിച്ചു.രാജ്യത്ത് ഭക്ഷ്യവസ്തുക്കളുടെ ലഭ്യതയിൽ യാതൊരു കുറവുമില്ലെന്നും വിപണിയിൽ ആവശ്യമായ സാധനങ്ങൾ സമൃദ്ധമായി ഉണ്ടെന്നും ഡോ. ഷൈമ അൽ അസ്ഫൂർ ഉറപ്പുനൽകി.
ഭക്ഷ്യസാധനങ്ങളുടെ സുരക്ഷ ഉറപ്പാക്കുന്നതിനായി അതോറിറ്റി നടത്തുന്ന നിരന്തരമായ നിരീക്ഷണങ്ങളുടെ ഫലമായി കുവൈറ്റിലെ ഭക്ഷ്യ സാഹചര്യം സുരക്ഷിതവും സുസ്ഥിരവുമാണെന്ന് അദ്ദേഹം വ്യക്തമാക്കി. ഉപഭോക്താക്കൾക്ക് ലഭ്യമാകുന്ന ഓരോ ഭക്ഷ്യവസ്തുവും കർശനമായ പരിശോധനകൾക്ക് വിധേയമാക്കുന്നുണ്ടെന്നും പൊതുജനാരോഗ്യം സംരക്ഷിക്കുന്നതിൽ വിട്ടുവീഴ്ചയില്ലെന്നും അദ്ദേഹം കൂട്ടിച്ചേർത്തു.
