കുവൈത്ത് സിറ്റി, സെപ്റ്റംബർ 4: ബയാൻ ഏരിയയെയും മുബാറക് അൽ അബ്ദുള്ള സബർബിനെയും ബന്ധിപ്പിക്കുന്ന കിംഗ് ഖാലിദ് ബിൻ അബ്ദുൽ അസീസ് റോഡ് പൂർണമായി അടച്ചതായി കുവൈത്ത് ജനറൽ ട്രാഫിക് ഡിപ്പാർട്ട്‌മെന്റ് അറിയിച്ചു.കുവൈത്ത് സിറ്റിയിൽ നിന്നുള്ള പ്രവേശന പാതകളും അഹമ്മദി ഭാഗത്തുനിന്ന് അൽ അഖ്സ മോസ്‌ക് സ്ട്രീറ്റിലേക്കുള്ള പാതകളും അടച്ചിടലിൽ ഉൾപ്പെടും.
റോഡ് ഞായറാഴ്ച പുലർച്ചെ വരെ അടച്ചിടുമെന്ന് അധികൃതർ അറിയിച്ചു. ഈ മേഖലകളിലൂടെ യാത്ര ചെയ്യുന്നവർ മറ്റ് ബദൽ പാതകൾ ഉപയോഗിക്കണമെന്നും ട്രാഫിക് ഉദ്യോഗസ്ഥരുടെ നിർദേശങ്ങളും റോഡ് സൈൻ ബോർഡുകളും പാലിക്കണമെന്നും നിർദേശിച്ചിട്ടുണ്ട്.റോഡ് അടച്ചിടൽ കാരണം പ്രദേശത്ത് ഗതാഗതക്കുരുക്ക് ഉണ്ടാകാനുള്ള സാധ്യത കണക്കിലെടുത്ത് യാത്രക്കാർ യാത്രയ്ക്ക് അധിക സമയം അനുവദിക്കുകയും ബദൽ വഴികൾ തിരഞ്ഞെടുക്കുകയും ചെയ്യുന്നത് ഉചിതമാണ്.
