കുവൈറ്റ് സിറ്റി: രാജ്യത്ത് മയക്കുമരുന്ന് കടത്തലുകൾക്കെതിരെയുള്ള നടപടികൾ ശക്തമാക്കുന്നതിന്റെ ഭാഗമായി നടത്തിയ പരിശോധനകളിൽ മൂന്ന് വ്യത്യസ്ത കേസുകളിലായി മൂന്ന് പേരെ കുവൈറ്റ് ആഭ്യന്തര മന്ത്രാലയത്തിന്റെ ജനറൽ ഡിപ്പാർട്ട്മെന്റ് ഫോർ ഡ്രഗ് കൺട്രോൾ അറസ്റ്റ് ചെയ്തു. വിൽപനയ്ക്കായി കൈവശം വെച്ചിരുന്ന നിരോധിത ലഹരിവസ്തുക്കളും പ്രതികളിൽ നിന്ന് പിടിച്ചെടുത്തു.
ക്രിമിനൽ സെക്യൂരിറ്റി സെക്ടറിന്റെ കീഴിലുള്ള ജനറൽ ഡിപ്പാർട്ട്മെന്റ് ഫോർ ഡ്രഗ് കൺട്രോൾ നടത്തിയ നീക്കത്തിലാണ് പ്രതികൾ പിടിയിലായത്. ഇവരിൽ നിന്ന് താഴെ പറയുന്ന ലഹരിവസ്തുക്കളും ഉപകരണങ്ങളുമാണ് പിടിച്ചെടുത്തത്:
* 3,001 ഗ്രാം മെത്താംഫെറ്റാമൈൻ* ഹഷീഷ് ഓയിൽ അടങ്ങിയ 30 കുപ്പികൾ* സിന്തറ്റിക് കന്നാബിസ് ലായനിയിൽ മുക്കിയ 24 ഷീറ്റുകൾ* 4 ഡിജിറ്റൽ ത്രാസുകൾ* സിന്തറ്റിക് കന്നാബിസ് അടങ്ങിയ 3 ഇലക്ട്രോണിക് സിഗരറ്റുകൾ* ഹാഷീഷ്എമർജൻസി പോലീസ് വിഭാഗം കസ്റ്റഡിയിലെടുത്ത ഒരു പ്രതിയെ പിന്നീട് ഡ്രഗ് കൺട്രോൾ ഡിപ്പാർട്ട്മെന്റിന് കൈമാറിയിരുന്നു. തുടർന്ന് നടത്തിയ അന്വേഷണത്തിലും പ്രതിയുടെ വസതിയിൽ നടത്തിയ പരിശോധനയിലുമാണ് കൂടുതൽ ലഹരിവസ്തുക്കളും കൃത്യതയാർന്ന ത്രാസും കണ്ടെടുത്തത്. പിടികൂടിയ പ്രതികളെയും തൊണ്ടിമുതടുകളും തുടർനടപടികൾക്കായി ബന്ധപ്പെട്ട അധികാരികൾക്ക് കൈമാറി.
