ചുവന്ന രക്താണുക്കളിൽ കാണപ്പെടുന്ന ഇരുമ്പ് അടങ്ങിയ പ്രോട്ടീനാണ് ഹീമോഗ്ലോബിൻ. രക്തത്തിലെ വിവിധ അവയവങ്ങളിലേക്കും ശരീര കോശങ്ങളിലേക്കും ഓക്സിജൻ എത്തിക്കാൻ ഹീമോഗ്ലോബിൻ വളരെ പ്രധാനപ്പെട്ട പങ്കാണ് വഹിക്കുന്നത്. അതിനാൽ, ശരീരത്തിൽ ആവിശ്യമായ ഹീമോഗ്ലോബിൻ വേണമെന്നാണ് വിദഗ്ദർ പറയുന്നത്. ചുവന്ന രക്താണുക്കളിൽ അടങ്ങിയിരിക്കുന്ന ഇരുമ്പ് സമ്പുഷ്ടമായ പ്രോട്ടീനാണ് ഹീമോഗ്ലോബിൻ, ഇത് ശരീരത്തിലുടനീളം ഓക്സിജൻ കൊണ്ടുപോകുന്നതിന് പ്രധാന പങ്ക് വഹിക്കുന്നു. നിങ്ങളുടെ ശരീരം ശരിയായി പ്രവർത്തിക്കുന്നതിന് നിങ്ങളുടെ രക്തത്തിൽ ഹീമോഗ്ലോബിന്റെ സാധാരണ അളവ് നിലനിർത്തേണ്ടത് ആവശ്യമാണ്, അതായത് പ്രായപൂർത്തിയായ പുരുഷന്മാർക്ക് 14 മുതൽ 18 g/dl വരെയും സ്ത്രീകൾക്ക് 12 മുതൽ 16 g/dl വരെയും. ഹീമോഗ്ലോബിന്റെ അളവ് കുറയുമ്പോൾ, അത് ബലഹീനത, ക്ഷീണം, തലവേദന, ശ്വാസതടസ്സം, തലകറക്കം, വേഗത്തിലുള്ള ഹൃദയമിടിപ്പ് എന്നിവയ്ക്ക് കാരണമാകും. ഹീമോഗ്ലോബിന്റെ അളവ് ഗണ്യമായി കുറഞ്ഞാൽ, അനീമിയ ആയി രോഗനിർണയം നടത്താനും രോഗലക്ഷണങ്ങൾ ഗുരുതരമാകാനും സാധ്യതയുണ്ട്...-" ഫോർട്ടിസ് ആശുപത്രിയിലെ ഡോ. മനോജ് കെ. അഹൂജ പറയുന്നു.2011-ൽ പുറത്തിറക്കിയ യുണിസെഫിന്റെ റിപ്പോർട്ട് അനുസരിച്ച് ഏകദേശം 56% കൗമാരക്കാരായ ഇന്ത്യൻ പെൺകുട്ടികൾ വിളർച്ചയുള്ളവരാണെന്ന് പറയപ്പെടുന്നു. ഹീമോഗ്ലോബിന്റെ ഉത്പാദനം ശരീരത്തിന് പ്രധാനമാണ്. ഇരുമ്പ്, ബി വിറ്റാമിനുകൾ, അതുപോലെ വിറ്റാമിൻ സി എന്നിവ ഒരു പ്രധാന പങ്ക് വഹിക്കുന്നു. ഹീമോഗ്ലോബിന്റെ ഒപ്റ്റിമൽ ലെവൽ നിലനിർത്താൻ ശരിയായ ഭക്ഷണക്രമം ഉണ്ടായിരിക്കേണ്ടത് അത്യാവശ്യമാണ്. ഹീമോഗ്ലോബിന്റെ സമന്വയത്തെ സഹായിക്കുന്ന ഭക്ഷണങ്ങളുടെ ഉപഭോഗം വർദ്ധിപ്പിക്കേണ്ടതുണ്ട്. ഒന്ന്...വിളർച്ചയ്ക്കും ഹീമോഗ്ലോബിന്റെ അളവ് കുറയുന്നതിനും ഇരുമ്പിന്റെ അപര്യാപ്തത ഒരു സാധാരണ കാരണമാണെന്ന് നാഷണൽ അനീമിയ ആക്ഷൻ കൗൺസിലിൻ അഭിപ്രായപ്പെടുന്നു. ചീര, ബീറ്റ്റൂട്ട് തുടങ്ങിയവ ഭക്ഷണത്തിൽ ഉൾപ്പെടുത്താൻ നിർദ്ദേശിക്കുന്നു. ആപ്പിൾ, മാതളനാരകം, തണ്ണിമത്തൻ, മത്തങ്ങ വിത്തുകൾ, ഈന്തപ്പഴം, ബദാം, ഉണക്കമുന്തിരി എന്നിവയുൾപ്പെടെയുള്ള പഴങ്ങളും ഡ്രൈ ഫ്രൂട്ടുകളും കഴിക്കണം.രണ്ട്...ഹീമോഗ്ലോബിന്റെ അളവ് കുറവാണെങ്കിൽ വിറ്റാമിൻ സി അടങ്ങിയ ഭക്ഷണങ്ങൾ കഴിക്കുക. ഓറഞ്ച്, നാരങ്ങ, സ്ട്രോബെറി മുതൽ പപ്പായ, ബ്രൊക്കോളി, മുന്തിരി, തക്കാളി തുടങ്ങിയ ഭക്ഷണങ്ങൾ ഡയറ്റിൽ ഉൾപ്പെടുത്താം.മൂന്ന്...ഹീമോഗ്ലോബിൻറെ കുറവിന് ഏറ്റവും നല്ലതാണ് മാതളം. കാൽസ്യം, ഇരുമ്പ്, അന്നജം, നാരുകൾ എന്നിവ ഇതിൽ അടങ്ങിയിട്ടുണ്ട്. മാതളത്തിൽ അടങ്ങിയിരിക്കുന്ന വിറ്റാമിൻ സി ശരീരത്തിലെ ഇരുമ്പിൻറെ ആഗിരണം വർധിപ്പിച്ച് വിളർച്ച തടയുന്നു. കൂടാതെ ധാരാളം കാർബോഹൈഡ്രേട്സ് അടങ്ങിയിട്ടുണ്ട്. മാതളനാരങ്ങ സ്ഥിരമായി ഭക്ഷണത്തിൻറെ ഭാഗമാക്കിയാൽ രോഗപ്രതിരോധ ശേഷി വർധിക്കും.നാല്...ഫോളിക് ആസിഡ്, ബി കോംപ്ലക്സ് വൈറ്റമിൻ ചുവന്ന രക്താണുക്കൾ ഉണ്ടാക്കാൻ അത്യാവശ്യമാണ്. പച്ച ഇലക്കറികൾ, നിലക്കടല, വാഴപ്പഴം, ബ്രോക്കോളി എന്നിവ ഫോളിക് ആസിഡിന്റെ നല്ല ഉറവിടങ്ങളാണ്. അതേസമയം, ശരീരത്തിലെ ചുവന്ന രക്താണുക്കളുടെ എണ്ണം വർദ്ധിപ്പിക്കാൻ ബീറ്റ്‌റൂട്ടും സഹായകമാണ്. ധാരാളം നൈട്രേറ്റ് അടങ്ങിയ ബീറ്റ് റൂട്ട് ദിവസവും ജൂസിൻറെ രൂപത്തിൽ കുടിക്കുന്നത് ഹീമോഗ്ലോബിൻറെ അളവ് നിങ്ങളുടെ രക്തത്തിൽ വർദ്ധിപ്പിക്കും. അഞ്ച്...ദിവസവും ഒരു ആപ്പിൾ കഴിക്കുന്നത് ഉറപ്പാക്കുക, കാരണം ഇത് രക്തത്തിലെ ഹീമോഗ്ലോബിൻ നിലനിർത്താനും വർദ്ധിപ്പിക്കാനും സഹായിക്കും.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?