കുവൈത്ത് സിറ്റി, ജൂലൈ 24: ഖൈത്താൻ പ്രദേശത്തെ ഒരു സീഫുഡ് റസ്റ്റോറന്റിൽ നിന്ന് 61 കിലോഗ്രാം പഴകിയ മത്സ്യം കുവൈത്ത് പബ്ലിക് അതോറിറ്റി ഫോർ ഫുഡ് ആൻഡ് ന്യൂട്രിഷൻ (PAFN) പിടിച്ചെടുത്ത് നശിപ്പിച്ചു.
പരിശോധനയിൽ മനുഷ്യ ഉപഭോഗത്തിന് അനുയോജ്യമല്ലാത്ത ഭക്ഷ്യവസ്തുക്കൾ വിൽപ്പന നടത്തിയതും കലർന്ന ഭക്ഷ്യ ഉൽപ്പന്നങ്ങൾ വ്യാപാരം നടത്തിയതുമായ രണ്ട് ഗുരുതര നിയമലംഘനങ്ങൾ കണ്ടെത്തിയതായി അധികൃതർ അറിയിച്ചു.പിടിച്ചെടുത്ത മത്സ്യം ഉടൻ നശിപ്പിക്കുകയും, ഭക്ഷ്യസുരക്ഷാ നിയമങ്ങൾ ലംഘിച്ച റസ്റ്റോറന്റിനെതിരെ ആവശ്യമായ നിയമനടപടികൾ സ്വീകരിക്കുകയും ചെയ്തു.
ഉപഭോക്താക്കളുടെ ആരോഗ്യസുരക്ഷ ഉറപ്പാക്കുന്നതിനായി കുവൈത്തിലെ റസ്റ്റോറന്റുകളിലും ഭക്ഷ്യസ്ഥാപനങ്ങളിലുമായി പരിശോധനകൾ തുടരുമെന്ന് ഫുഡ് അതോറിറ്റി അറിയിച്ചു.
