ഇന്ത്യന്‍ സിനിമയില്‍ തന്നെ സമീപകാലത്തെ ഏറ്റവും വലിയ സാമ്പത്തിക വിജയമായി മാറുകയാണ് മണി രത്നത്തിന്‍റെ പൊന്നിയിന്‍ സെല്‍വന്‍. ലോകമെമ്പാടും വന്‍ സ്ക്രീന്‍ കൌണ്ടോടെ വെള്ളിയാഴ്ച റിലീസ് ചെയ്യപ്പെട്ട ചിത്രം ആദ്യ ദിനം നേടിയത് 80 കോടിയിലേറെ ആയിരുന്നു. നിര്‍മ്മാതാക്കള്‍ തന്നെ പുറത്തുവിട്ട കണക്കാണ് ഇത്. രണ്ടാം ദിനം ചിത്രം 70 കോടിയിലേറെ നേടിയെന്നാണ് അനൌദ്യോഗിക റിപ്പോര്‍ട്ടുകള്‍. അതായത് ആദ്യ രണ്ട് ദിനങ്ങളില്‍ നിന്ന് 150 കോടിയില്‍ അധികം! ഇപ്പോഴിതാ പ്രധാന വിദേശ മാര്‍ക്കറ്റുകളില്‍ നിന്നുള്ള ചിത്രത്തിന്‍റെ കളക്ഷന്‍ റിപ്പോര്‍ട്ടുകള്‍ എത്തുകയാണ്. പലയിടങ്ങളിലും തമിഴ് സിനിമയുടെ ചരിത്രത്തില്‍ ഏറ്റവും വലിയ ഓപണിംഗ് സ്വന്തമാക്കിയിട്ടുണ്ട് മണി രത്നം തന്‍റെ സ്വപ്ന ചിത്രമെന്ന് വിശേഷിപ്പിച്ചിട്ടുള്ള പൊന്നിയിന്‍ സെല്‍വന്‍.യുകെ ബോക്സ് ഓഫീസില്‍ ആദ്യ രണ്ട് ദിനങ്ങളില്‍ നിന്ന് ചിത്രം നേടിയത് 5.24 ലക്ഷം പൌണ്ട് ആണെന്ന് ലെറ്റ്സ് സിനിമ റിപ്പോര്‍ട്ട് ചെയ്യുന്നു. ഇന്ത്യന്‍ രൂപയില്‍ 4.7 കോടിയാണ് ഈ തുക. യുഎസില്‍ 3 മില്യണ്‍ ഡോളര്‍ (24.5 കോടി രൂപ) ആണ് ചിത്രം നേടിയതെന്നും റിപ്പോര്‍ട്ടുകള്‍ പുറത്തെത്തിയിട്ടുണ്ട്. ഇന്ത്യയ്ക്കൊപ്പം വിദേശ മാര്‍ക്കറ്റുകളിലും മികച്ച പ്രതികരണമാണ് ചിത്രത്തിന് ഇന്നും ലഭിക്കുന്നത്. ഞായറാഴ്ച കളക്ഷന്‍ കൂടി ചേരുമ്പോള്‍ പല വിദേശ മാര്‍ക്കറ്റുകളിലും ചിത്രം ഒരു തമിഴ് ചിത്രം ഇതുവരെ നേടിയിട്ടുള്ള ഏറ്റവും മികച്ച ഇനിഷ്യല്‍ ഗ്രോസിലേക്ക് എത്തുമെന്ന് പ്രമുഖ ട്രേഡ് അനലിസ്റ്റ് ആയ ശ്രീധര്‍ പിള്ള ട്വീറ്റ് ചെയ്യുന്നു.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?