കുവൈത്ത് സിറ്റി: കുവൈത്തിൽ ഇന്ന് ഞായറാഴ്ച കടുത്ത ചൂടും ഉയർന്ന ഈർപ്പവുമുള്ള കാലാവസ്ഥ അനുഭവപ്പെടും. പ്രത്യേകിച്ച് തീരപ്രദേശങ്ങളിൽ ഈർപ്പം കൂടുതലായിരിക്കുമെന്നും വൈകുന്നേരത്തോടെ നേരിയ മൂടൽമഞ്ഞ് രൂപപ്പെടാൻ സാധ്യതയുണ്ടെന്നും കാലാവസ്ഥാ റിപ്പോർട്ട് വ്യക്തമാക്കുന്നു.അന്തരീക്ഷ ഈർപ്പം 90 ശതമാനം വരെ ഉയരാം. രാജ്യത്തെ പരമാവധി താപനില 46 ഡിഗ്രി സെൽഷ്യസും, കുറഞ്ഞ താപനില 32 ഡിഗ്രി സെൽഷ്യസും ആയിരിക്കുമെന്നാണ് പ്രവചനം.
പകൽ സമയത്ത് കാറ്റ് ദിശ മാറിയും തെക്കുകിഴക്കൻ ദിശയിലുമായിരിക്കും വീശുക. മണിക്കൂറിൽ 8 മുതൽ 30 കിലോമീറ്റർ വരെ വേഗതയുണ്ടാകും. വൈകുന്നേരത്തോടെ ചില പ്രദേശങ്ങളിൽ നേരിയ മൂടൽമഞ്ഞിന് സാധ്യതയുണ്ട്.രാത്രിയിൽ ചൂടും ഈർപ്പവും തുടരും. തീരപ്രദേശങ്ങളിലാണ് ഈർപ്പം കൂടുതൽ അനുഭവപ്പെടുക.
തെക്കുകിഴക്കൻ ദിശയിൽനിന്നും ദിശ മാറിയും മണിക്കൂറിൽ 6 മുതൽ 26 കിലോമീറ്റർ വരെ വേഗതയിൽ കാറ്റ് വീശും. ചില പ്രദേശങ്ങളിൽ നേരിയ മൂടൽമഞ്ഞിനും ചിതറിയ മേഘങ്ങൾ പ്രത്യക്ഷപ്പെടാനും സാധ്യതയുണ്ട്.കടൽ പൊതുവെ ശാന്തം മുതൽ മിതമായ നിലയിലായിരിക്കും. പകൽ തിരമാലകൾ 1 മുതൽ 4 അടി വരെയും, രാത്രിയിൽ 1 മുതൽ 3 അടി വരെയും ഉയരാൻ സാധ്യതയുണ്ട്.
