കുവൈറ്റ് സിറ്റി: വേനൽക്കാല സീസണിന്റെ അവസാനത്തോടനുബന്ധിച്ച് യാത്രക്കാർക്ക് ടിക്കറ്റ് നിരക്കിൽ 30 ശതമാനം വരെ ഇളവുകളുമായി ജസീറ എയർവേയ്സ്. തങ്ങളുടെ നെറ്റ്വർക്കിലെ വിവിധ ലക്ഷ്യസ്ഥാനങ്ങളിലേക്ക് മിതമായ നിരക്കിൽ യാത്ര ആസൂത്രണം ചെയ്യാനുള്ള അവസരമാണ് ഇതിലൂടെ കമ്പനി ഒരുക്കുന്നത്.
2026 ഓഗസ്റ്റ് 9 മുതൽ ഓഗസ്റ്റ് 15 വരെയുള്ള തീയതികളിൽ ബുക്ക് ചെയ്യുന്ന ടിക്കറ്റുകൾക്കാണ് ഈ ആനുകൂല്യം ലഭിക്കുക. 2026 ഓഗസ്റ്റ് 9 മുതൽ സെപ്റ്റംബർ 30 വരെയുള്ള കാലയളവിലെ യാത്രകൾക്കായി ടിക്കറ്റ് ബുക്ക് ചെയ്യുമ്പോൾ J9SUM30 എന്ന പ്രൊമോ കോഡ് ഉപയോഗിക്കാവുന്നതാണ്.
ഈ വേനൽക്കാല യാത്രാ സീസൺ ആഘോഷിക്കാൻ ഇനിയും ധാരാളം സമയമുണ്ടെന്ന് ജസീറ എയർവേയ്സ് ചീഫ് കൊമേഴ്സ്യൽ ഓഫീസർ പോൾ കരോൾ പറഞ്ഞു. 30 ശതമാനം വരെ വലിയ ഇളവുകൾ നൽകുന്നതിലൂടെ കുടുംബാംഗങ്ങളെയും സുഹൃത്തുക്കളെയും സന്ദർശിക്കാനും, വേനൽക്കാല യാത്രകൾ കുറഞ്ഞ ചെലവിൽ ആസൂത്രണം ചെയ്യാനും ഉപഭോക്താക്കൾക്ക് സാധിക്കുമെന്ന് അദ്ദേഹം കൂട്ടിച്ചേർത്തു.
