കുവൈത്ത് സിറ്റി : കുവൈത്തിലെ ജലീബ് അൽ ഷുയൂഖിൽ നിരോധിത പുകയില ഉൽപ്പന്നങ്ങൾ നിർമ്മിച്ച് വിൽപ്പന നടത്തിയെന്ന ആരോപണത്തിൽ ഈജിപ്ഷ്യൻ പ്രവാസിയെ സുരക്ഷാ ഉദ്യോഗസ്ഥർ അറസ്റ്റ് ചെയ്തു. അമ്പത് വയസ്സിലധികം പ്രായമുള്ള, ‘അൽ സഈദി’ എന്ന വിളിപ്പേരിൽ അറിയപ്പെടുന്ന ഈജിപ്ഷ്യൻ പൗരനാണ് പിടിയിലായത്.
നിരോധിത പുകയില ഉൽപ്പന്നങ്ങളുടെ നിർമ്മാണവും വിൽപ്പനയും സംബന്ധിച്ച് ലഭിച്ച വിവരങ്ങളുടെ അടിസ്ഥാനത്തിൽ അന്വേഷണ ഉദ്യോഗസ്ഥർ ഇയാളുടെ പ്രവർത്തനങ്ങൾ നിരീക്ഷിച്ചുവരികയായിരുന്നു.തുടർന്ന് ആസൂത്രിതമായി നടത്തിയ സുരക്ഷാ നടപടിയിലൂടെയാണ് പ്രതിയെ പിടികൂടിയത്.അറസ്റ്റിലായ പ്രവാസിയെയും പിടിച്ചെടുത്ത വസ്തുക്കളെയും തുടർ നിയമനടപടികൾക്കായി ബന്ധപ്പെട്ട അധികൃതർക്ക് കൈമാറി.
