കുവൈത്ത് സിറ്റി: 60 കിലോഗ്രാം ഹാഷിഷ് കൈവശം വച്ചിരുന്ന അറബ് പൗരൻ അറസ്റ്റിൽ. ഇവ വിതരണം ചെയ്യുന്നതിനായി പ്രതികളുടെ പക്കൽ സെൻസിറ്റീവ് സ്കെയിലും ധാരാളം ഒഴിഞ്ഞ ബാഗുകളും കണ്ടെത്തിയിട്ടുണ്ട്. മയക്കുമരുന്ന് വിപത്തിനെതിരെയുള്ള പോരാട്ടത്തിന് മുൻഗണന നൽകുന്നുണ്ടെന്നും സമൂഹത്തിൻ്റെ സുരക്ഷയ്ക്ക് ഭീഷണിയായ ഈ കുറ്റകൃത്യങ്ങൾ ഇല്ലാതാക്കുന്നതിന് സുരക്ഷാ പ്രവർത്തനങ്ങളിലൂടെയും നിരന്തര നിരീക്ഷണത്തിലൂടെയും തീവ്ര ശ്രമങ്ങൾ നടത്തുന്നുണ്ടെന്നും ആഭ്യന്തര മന്ത്രാലയ വൃത്തങ്ങൾ പറഞ്ഞു. സുരക്ഷാ സേവനങ്ങളുമായി സഹകരിക്കാനും സംശയാസ്പദമായ എന്തെങ്കിലും പ്രവർത്തനങ്ങൾ ഉണ്ടെങ്കിൽ എമർജൻസി ഫോൺ നമ്പർ 112 വഴിയോ ജനറൽ ഡിപ്പാർട്ട്മെൻ്റിൻ്റെ ഹോട്ട്ലൈനിലോ അറിയിക്കാനും ആഭ്യന്തര മന്ത്രാലയം പൗരന്മാരോടും താമസക്കാരോടും ആഹ്വാനം ചെയ്തു.
