കുവൈത്ത്: “Kuwait Mobile ID” ആപ്പിനെ സൈബർ ആക്രമണം ലക്ഷ്യമിട്ടുവെന്ന സോഷ്യൽ മീഡിയയിലെ പ്രചാരണങ്ങൾ അടിസ്ഥാനരഹിതമാണെന്ന് Public Authority for Civil Information അറിയിച്ചു. ആപ്പിന്റെ സിസ്റ്റങ്ങൾ സുരക്ഷിതമായി സാധാരണ രീതിയിൽ പ്രവർത്തിച്ചുകൊണ്ടിരിക്കുകയാണെന്നും, സേവനങ്ങളിൽ യാതൊരു തടസ്സവും ഉണ്ടായിട്ടില്ലെന്നും അധികൃതർ വ്യക്തമാക്കി.
വാർത്തകൾ പങ്കിടുന്നതിന് മുൻപ് സത്യാവസ്ഥ പരിശോധിക്കാനും അഭ്യൂഹങ്ങൾ പ്രചരിപ്പിക്കുന്നത് ഒഴിവാക്കാനും, കൃത്യമായ വിവരങ്ങൾക്കായി PACIയുടെ ഔദ്യോഗിക ചാനലുകൾ മാത്രം ആശ്രയിക്കണമെന്നും പൊതുജനങ്ങളോട് അധികൃതർ അഭ്യർത്ഥിച്ചു.
