കുവൈത്ത്: ഈദ് അൽ-ഫിത്വർ പ്രഖ്യാപനവുമായി ബന്ധപ്പെട്ട് ഷവ്വാൽ മാസത്തിലെ ചന്ദ്രദർശനം മാർച്ച് 18 ബുധനാഴ്ച വൈകിട്ട് 6 മണിക്ക് പരിശോധിക്കുമെന്ന് കുവൈത്തിലെ ശരീഅ ദർശന സമിതി അറിയിച്ചു.
റമദാൻ 29-ാം ദിവസം നടക്കുന്ന യോഗത്തിൽ ഷവ്വാൽ ചന്ദ്രൻ കാണപ്പെട്ടാൽ ഈദ് അൽ-ഫിത്വർ പ്രഖ്യാപിക്കുമെന്ന് അധികൃതർ വ്യക്തമാക്കി.
ചന്ദ്രൻ കാണുന്നവർ അധികൃത നടപടിക്രമങ്ങൾ അനുസരിച്ച് മുന്നോട്ട് വന്ന് സാക്ഷ്യം നൽകണമെന്നും സമിതി അഭ്യർഥിച്ചു.
ഈ അവസരത്തിൽ കുവൈത്ത് അമീർ, കിരീടാവകാശി, പ്രധാനമന്ത്രി എന്നിവർക്കും രാജ്യത്തെ പൗരന്മാർക്കും പ്രവാസികൾക്കും സമിതി ആശംസകൾ അറിയിച്ചു. കൂടാതെ രാജ്യത്തിന്റെ സുരക്ഷയും സ്ഥിരതയും നിലനിൽക്കട്ടെയെന്നും, വീരമൃത്യു വരിച്ചവർക്കായി പ്രാർത്ഥിക്കുകയും പരിക്കേറ്റവർക്ക് വേഗം സുഖം പ്രാപിക്കട്ടെയെന്നും സമിതി പ്രാർത്ഥിച്ചു.
