രാജ്യമെമ്പാടുമുളള സിനിമാപ്രേമികള്‍ കാത്തിരിക്കുന്ന 'കെജിഎഫ് പാര്‍ട്ട്‌ 2'ന്റെ റിലീസിങ് തിയതി പ്രഖ്യാപിച്ച്‌ അണിയറപ്രവര്‍ത്തകര്‍. ചിത്രം ജൂലൈ 16ന് പുറത്തിറങ്ങും. നടന്‍ പൃഥ്വിരാജും റിലീസിങ് തിയതി തന്റെ ഫേസ്ബുക്ക് പേജിലൂടെ പങ്കുവെച്ചിട്ടുണ്ട്.സീറ്റ് ബെല്‍റ്റ് ഉറപ്പിക്കുക, തീയതി സെറ്റായി കഴിഞ്ഞു.'16/07/ 2021 ദി പ്രോമിസ്', പൃഥ്വിരാജ് ഫേസ്ബുക്കില്‍ കുറിച്ചു. പൃഥ്വിരാജ് പ്രൊഡക്ഷന്‍സാണ് കെജിഎഫ് 2 മലയാളത്തില്‍ എത്തിക്കുന്നത്.കെജിഎഫ് പാര്‍ട്ട്‌ 2ന്റെ ടീസര്‍ അണിയറ പ്രവര്‍ത്തകര്‍ നേരത്തെ പുറത്തുവിട്ടിരുന്നു.ചിത്രത്തിലെ കേന്ദ്ര കഥാപാത്രമായ യാഷിന്റെ ജന്മദിനമായ ജനുവരി 8-ന് ടീസര്‍ പുറത്തിറങ്ങുമെന്നായിരുന്നു സിനിമയുടെ അണിയറപ്രവര്‍ത്തകര്‍ പറഞ്ഞിരുന്നത്. എന്നാല്‍ ടീസര്‍ ലീക്ക് ആയതോടെയാണ് പറഞ്ഞതിലും നേരത്തെ ചിത്രത്തിന്റെ ടീസര്‍ നേരത്തെ പുറത്തിറക്കിയത്.ചിത്രത്തില്‍ യഷിന് പുറമെ ബോളിവുഡ് താരം സഞ്ജയ് ദത്തും എത്തുന്നുണ്ട്. അധീര എന്ന വില്ലന്‍ കഥാപാത്രത്തെയാണ് സഞ്ജയ് ദത്ത് അവതരിപ്പിക്കുന്നത്. ഇവര്‍ക്ക് പുറമെ രവീണ ടണ്ടണ്‍, മാളവിക അവിനാഷ്, സൃനിധി ഷെട്ടി എന്നിവരും ചിത്രത്തില്‍ പ്രധാന കഥാപാത്രങ്ങളാണ്. കൊവിഡ് വ്യാപനം കാരണം ചിത്രീകരണം നിര്‍ത്തിവെച്ച കെജിഎഫ് 2 അടുത്തിടെയാണ് പൂര്‍ത്തിയായത്.പ്രശാന്ത് നീലാണ് കന്നട ആക്ഷന്‍ ചിത്രമായ കെജിഎഫിന്റെ സംവിധായകന്‍. ഭുവന്‍ ഗൗഡ ഛായാഗ്രഹണം നിര്‍വ്വഹിക്കുന്ന ചിത്രത്തിന്റെ എഡിറ്റര്‍ ശ്രീകാന്താണ്. രവി ബസൂര്‍ സംഗീതം. ഹോമെബിള്‍ ഫിലീംസിന്റെ ബാനറിലാണ് ചിത്രം ഒരുങ്ങുന്നത്. 2019 മാര്‍ച്ചിലാണ് കെജിഎഫ് പാര്‍ട്ട്‌ 2ന്റെ ചിത്രീകരണം ആരംഭിച്ചത്. ആദ്യ സിനിമയുടെ ഷൂട്ടിങ്ങ് സമയത്തും ചില ഭാഗങ്ങള്‍ ചിത്രീകരിച്ചിരുന്നു. 2018ലാണ് കെജിഎഫ് പാര്‍ട്ട്‌ 1 റിലീസ് ചെയ്തത്.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?