തിരുവനന്തപുരം: കോവിഡ് രോഗവ്യാപനം അതിരൂക്ഷമായ സാഹചര്യത്തിൽ ജനപ്രിയ റിയാലിറ്റി ഷോയായ ബിഗ് ബോസ് സീസൺ 3 ഷൂടിങ് നിർത്തിവെച്ചു. തമിഴ്‌നാട് ആരോഗ്യവകുപ്പിന്റെ നിർദേശത്തെ തുടർന്നാണ് നടപടി. ചിത്രീകരണം നടന്ന ഇവിപി ഫിലിം സിറ്റിയിൽ നിന്ന് മത്സരാർഥികളെ ഹോടെലിലേക്ക് മാറ്റുകയുണ്ടായി.ഇവിപി ഫിലിം സിറ്റിയിൽ ആരോഗ്യവകുപ്പും പൊലീസും പരിശോധന നടത്തിയിരുന്നു. മലയാളികളുടെ ഇടയിൽ ഏറ്റവും കൂടുതൽ ജനപ്രീതിയാർജിച്ച റിയാലിറ്റി ഷോയാണ് ബിഗ് ബോസ്.നോബി, ഡിംപൽ, കിടിലം ഫിറോസ്, മണിക്കുട്ടൻ, മജ്‌സിയ ഭാനു, സൂര്യ ജെ മേനോൻ, ലക്ഷ്മി ജയൻ, സായ് വിഷ്ണു, അനൂപ് കൃഷ്ണൻ, അഡോണി ടി ജോൺ, റംസാൻ മുഹമ്മദ്, റിതു മന്ത്ര, സന്ധ്യാ മനോജ്, ഭാഗ്യലക്ഷ്മി എന്നിവരായിരുന്നു തുടക്കത്തിൽ ബിഗ് ബോസിൽ മത്സരാർഥികളായി എത്തിയത്. വൈൽഡ് എൻട്രിയായി ഫിറോസ്- സജ്‌ന ദമ്ബതിമാരും, മിഷേലും, രമ്യാ പണിക്കരുമെത്തി. ബിഗ് ബോസിലെ നിയമം തെറ്റിച്ചതിന്റെ പേരിൽ ഫിറോസ്- സജ്‌ന ദമ്ബതിമാരെ പുറത്താക്കിയിരുന്നു. എവിക്ഷൻ കഴിഞ്ഞ് കിടിലൻ ഫിറോസ്, റിതു മന്ത്ര, സായ് വിഷ്ണു, റംസാൻ, മണിക്കുട്ടൻ, നോബി, ഡിംപൽ, അനൂപ് കൃഷ്ണൻ എന്നിവരായിരുന്നു നിലവിൽ ബിഗ്ബോസിൽ ഉണ്ടായിരുന്ന മത്സരാർഥികൾ.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?