'ദൃശ്യം 2'ൻറെ ഗൾഫി തിയറ്റർ റിലീസ് നാളെ. യുഎഇ, ഖത്തർ, ഒമാൻ എന്നിവിടങ്ങളിലാണ് ചിത്രം ബിഗ് സ്ക്രീനിൽ പ്രദർശനത്തിന് ഒരുങ്ങുന്നത്. തിയറ്റർ ലിസ്റ്റ് മോഹൻലാൽ സോഷ്യൽ മീഡിയയിലൂടെ പങ്കുവച്ചു. യുഎഇയിൽ 27, ഖത്തർ 8, ഒമാൻ 2 എന്നിങ്ങനെയാണ് സ്ക്രീനുകളുടെ എണ്ണം. ഈ മാസം 26ന് സിംഗപ്പൂരിലും ചിത്രം തിയറ്റർ റിലീസ് ചെയ്‍തിരുന്നു. ഫാർസ് ഫിലിം ഗ്രൂപ്പ് ആണ് ഗൾഫിൽ ചിത്രം വിതരണം ചെയ്യുന്നത്. ഒടിടി റിലീസ് ആയി കണ്ട ചിത്രമെങ്കിലും ദൃശ്യം 2 ബിഗ് സ്ക്രീനിൽ കാണണമെന്ന വലിയ പ്രേക്ഷകാഭ്യർഥനയെത്തുടർന്നാണ് തങ്ങൾ ഈ തീരുമാനം എടുത്തതെന്ന് ഫാർസ് ഫിലിം ഗ്രൂപ്പ് സിഇഒ അഹമ്മദ് ഗോൽച്ചിൻ ഗൾഫ് ന്യൂസിനോട് പറഞ്ഞിരുന്നു. അതേസമയം ചിത്രത്തിൻറെ നിർമ്മാതാക്കളായ ആശിർവാദ് സിനിമാസിനൊപ്പം സിംഗപ്പൂർ കൊളീജിയം കമ്പനിയും സംയുക്തമായാണ് ചിത്രം സിംഗപ്പൂരിൽ ചിത്രം തിയറ്റർ റിലീസിന് എത്തിച്ചത്. സിംഗപ്പൂരിലെ ഏറ്റവും വലിയ മൾട്ടിപ്ലെക്സ് ശൃംഖലയായ ഗോൾഡൻ വില്ലേജ് സിനിപ്ലെക്സുകളിൽ ആണ് ചിത്രം പ്രദർശിപ്പിക്കുന്നത്.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?