മുഖ്യമന്ത്രിയുടെ ഓഫീസിലും ക്ലിഫ് ഹൗസിലും രാജ്ഭവനിലും ബോംബ് ഭീഷണി. ഇ-മെയില്‍ വഴിയാണ് സനാദേശം ലഭിച്ചത്. ധനകാര്യസെക്രട്ടറിയുടെ ഇ-മെയിലിലേക്കാണ് സന്ദേശമെത്തിയത്.
ഗതാഗത കമ്മീഷണറുടെ ഓഫീസിലും ഭീഷണി സന്ദേശമെത്തി. നെടുന്പാശേരി വിമാനത്താവളത്തിലും ബോംബ് ഭീഷണിയുണ്ട്. ഭീഷണിയെ തുടർന്നു ബോംബ് സ്ക്വാഡും ഡോഗ് സ്ക്വാഡും പോലീസും പരിശോധന നടത്തുകയാണ്.
തലസ്ഥാനത്ത് പലയിടങ്ങളിലായി കഴിഞ്ഞ ദിവസങ്ങളില്‍ വ്യാജ ഭീഷണി സന്ദേശങ്ങള്‍ ലഭിച്ചിരുന്നു. ഇതിന് പിന്നാലെയാണ് മുഖ്യമന്ത്രിയുടെ ഓഫീസില്‍ ഭീഷണി സന്ദേശം ലഭിച്ചിരിക്കുന്നത്. തിരുവനന്തപുരം സെൻട്രല്‍ റെയില്‍വേ സ്റ്റേഷനില്‍ ഞായറാഴ്ച ഭീഷണി സന്ദേശം ലഭിച്ചിരുന്നു.
തിരുവനന്തപുരം വിമാനത്താവളത്തിലും സമാനമായ ബോംബ് ഭീഷണി സന്ദേശം ലഭിച്ചിരുന്നു. മാനേജറുടെ ഇ-മെയിലേക്കാണ് ഭീഷണി സന്ദേശമെത്തിയത്. കഴിഞ്ഞ രണ്ട് മാസത്തിനിടെ വിവിധ സർക്കാർ ഓഫീസുകളില്‍ വ്യാജ ബോംബ് ഭീഷണികളുമായി ബന്ധപ്പെട്ട് അഞ്ച് കേസുകളാണ് സൈബർ ക്രൈം പോലീസ് രജിസ്റ്റർ ചെയ്‌തത്.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?