കെഎസ്ആര്‍ടിസിയില്‍ വന്‍ അഴിമതി;100 കോടി രൂപ കാണാനില്ലെന്ന് എം ഡി

  • 16/01/2021



തിരുവനന്തപുരം: കെഎസ്ആര്‍ടിസിയിലെ ഒരു വിഭാഗം ജീവനക്കാര്‍ക്കെതിരെ രൂക്ഷ വിമര്‍ശനവുമായി എം.ഡി ബിജുപ്രഭാകര്‍. കെഎസ്ആര്‍ടിസിയില്‍ വന്‍ അഴിമതിയെന്നും 100 കോടി രൂപ കാണാനില്ലെന്നും ബിജു പ്രഭാകര്‍ പറഞ്ഞു. 2010 – 15 കാലഘട്ടത്തില്‍ എക്‌സിക്യൂട്ടീവ് ഡയറക്ടര്‍ ശ്രീകുമാറിനെതിരെ നടപടിയുണ്ടാകും. കെഎസ്ആര്‍ടിസി ഒന്നുകില്‍ നന്നാക്കുമെന്നും അല്ലെങ്കില്‍ പുറത്തു പോകുമെന്നും ബിജു പ്രഭാകര്‍ ഐഎഎസ് തുറന്നടിച്ചു.

ജീവനക്കാര്‍ ഡീസല്‍ വെട്ടിപ്പും, ടിക്കറ്റ് മെഷീനിലും ക്രമക്കേട് നടത്തുന്നു. വര്‍ക്ക്ഷോപ്പുകളില്‍ സാമഗ്രികള്‍ വാങ്ങുന്നതിലും ക്രമക്കേടുണ്ട്. സി എന്‍ ജിയെ എതിര്‍ക്കുന്നത് ഡീസല്‍ വെട്ടിപ്പ് തുടരാനാണെന്നും ബിജു പ്രഭാകര്‍ പറഞ്ഞു. ജീവനക്കാരിലെ പലരും ജോലി ചെയ്യാതെ ഇഞ്ചി കൃഷിയും മഞ്ഞള്‍ കൃഷിയും ചെയ്യുന്നു. ആരേയും പിരിച്ചുവിടില്ലെങ്കിലും ജീവനക്കാരുടെ എണ്ണം കുറയ്ക്കേണ്ടി വരുമെന്ന് അദ്ദേഹം വ്യക്തമാക്കി. നിര്‍ബന്ധിത വിആര്‍എസ് ഉണ്ടാകില്ല. ജീവനക്കാരുടെ എണ്ണം പതിനായിരമായി കുറക്കുമെന്നും എംഡി തിരുവനന്തപുരത്ത് ഉള്‍പ്പെടെ ഷോപ്പിംഗ് കോംപ്ലെക്സുകള്‍ നിര്‍മിച്ചത് വേണ്ടത്ര പഠനമില്ലാതെയെന്നും ബിജു പ്രഭാകര്‍ ആരോപിച്ചു. കെഎസ്ആര്‍ടിസിയുടെ തലപ്പത്ത് ബിജുപ്രഭാകര്‍ ചുമതലയേറ്റെടുത്ത ശേഷം ആദ്യമായാണ് ജീവനക്കാര്‍ക്കെതിരെ രൂക്ഷമായ പ്രതികരണമുണ്ടാകുന്നത്. കെഎസ്ആര്‍ടിസി കടം കയറി നില്‍ക്കുകയാണ്. സ്ഥലം വില്‍ക്കാനും പാട്ടത്തിന് നല്‍കാനും തീരുമാനിച്ചത് അതുകൊണ്ടാണ്.

ബിജുപ്രഭാകര്‍ സിഎംഡി ആയി വന്നശേഷം പല തരത്തിലുളള മാറ്റങ്ങള്‍ കെ എസ് ആര്‍ ടി സിയില്‍ നടക്കുന്നുണ്ട്. അതിനിടയിലാണ് യൂണിയനെതിരെ ഏറ്റുമുട്ടലിലേക്ക് ബിജുപ്രഭാകര്‍ നീങ്ങുന്നത്. ഏറെ നാളായി നിലനില്‍ക്കുന്ന ശീത സമരത്തിന് ഒടുവിലാണ് ബിജുപ്രഭാകറിന്റെ പ്രസ്താവന വന്നിരിക്കുന്നത്. ഇതോടെ സംഭവം കൂടുതല്‍ പൊട്ടിത്തെറിയിലേക്കും പരസ്യ വിവാദത്തിലേക്കുമാണ് നീങ്ങുന്നത്

Related News

ഒരാള്‍ സ്റ്റെപ്പിനരികില്‍, രണ്ടാമത്തേയാള്‍ പിന്‍ഭാഗത്ത്; കാര ...
  • 23/12/2024
ഷാള്‍ ചക്രത്തില്‍ കുരുങ്ങി; തലയടിച്ച്‌ വീണ സ്കൂട്ടര്‍ യാത്രക ...
  • 23/12/2024
വനനിയമ ഭേദഗതി മാറ്റത്തിനൊരുങ്ങി വനംവകുപ്പ്; എതിര്‍പ്പുയര്‍ന് ...
  • 23/12/2024
എ വിജയരാഘവന്റെ വര്‍ഗീയ പരാമര്‍ശം; ഡിജിപിക്ക് പരാതി നല്‍കി യൂ ...
  • 23/12/2024
പാലക്കാട് ക്രിസ്മസ് ആഘോഷത്തിനായി സ്‌കൂളില്‍ സ്ഥാപിച്ച പുല്‍ക ...
  • 23/12/2024
പെരിയ കൊലക്കേസ്; സിബിഐ കോടതി വെള്ളിയാഴ്ച വിധി പറയും
  • 23/12/2024
ഇപി ജയരാജന്‍റെ പ്രവര്‍ത്തനത്തില്‍ പോരായ്മ, പരിഹരിക്കാനുള്ള ശ ...
  • 23/12/2024
ലൈംഗികാതിക്രമ കേസ്: മുകേഷിനും ഇടവേള ബാബുവിനുമെതിരെ കുറ്റപത്ര ...
  • 23/12/2024
എസ്‌എഫ്‌ഐഒ അന്വേഷണം: സിഎംആര്‍എല്ലിന്റെ ഹര്‍ജി ഇന്ന് ഡല്‍ഹി ഹ ...
  • 22/12/2024
തൃശൂര്‍ പൂരം കലക്കിയത് തിരുവമ്ബാടി ദേവസ്വം; ലക്ഷ്യം ലോക്‌സഭാ ...
  • 22/12/2024
'വെള്ളാപ്പള്ളി നടേശൻ പറഞ്ഞതില്‍ തെറ്റില്ല'; രമേശിന് മുഖ്യമന് ...
  • 22/12/2024
പുതു സംരഭങ്ങള്‍ക്കും കന്നുകാലികളെ വാങ്ങാനും വായ്പ; ന്യൂനപക്ഷ ...
  • 22/12/2024