ആയിരങ്ങളെ ആകര്‍ഷിച്ച് ശാസ്ത്രോത്സവ്

  • 30/11/2025



കുവൈത്ത് സിറ്റി : പാലക്കാട് എൻ എസ് എസ് എൻജിനീയറിങ് കോളേജ് അലുമ്നി അസോസി യേ ഷന്റെ നേതൃത്വത്തിൽ നടന്ന സാങ്കേതിക മഹോത്സവമായ 11-ാം ശാസ് ത്രോത്സവ് ആയിരങ്ങളെ ആകർഷിച്ചു.

  സാൽവയിലെ റാഡിസൺ ബ്ലൂ ഹോട്ടലിലെ അൽ ഹഷ്മി ഷിപ്പ് ബോൾ റൂമിൽ വച്ച് നവംബർ 28 വെള്ളിയാഴ്ചനടന്ന പരിപാടി സയൻസ് എക്സിബിഷനോടെയാണ് ആരംഭിച്ചത് .വൈകുന്നേരം മൂന്ന് മണിക്ക് നിലവിളക്ക് കൊളുത്തി ഉദ്ഘാടനം ചെയ്തുകൊണ്ടാണ് പരിപാടികൾ തുടങ്ങിയത് .ചടങ്ങിൽ അലുംനി പ്രസിഡന്റ് പ്രേം ശേഖർ , ശാസ്ത്രോൽസവ് കൺവീനർ ഷെമിജ് കുമാർ , ചീഫ് ഗസ്റ്റ് ഡോക്ടർ ബുലന്റ് ഹെൽമിസ് , കെ ഇ എഫ് ജി സി ഗംഗ പ്രസാദ്, ഗസ്റ്റ് ഓഫ് ഹോണർ എൻജിനീയർ മുഹമ്മദ് സയീദ് തുടങ്ങിയവർ പ്രസംഗിച്ചു .

ലോക ശ്രദ്ധ പിടിച്ച് പറ്റിയ മൂന്നുതവണ TEDx സ്പീക്കർ കൂടിയായ 16-ാം വയസിൽ തന്നെ കല്പിതബുദ്ധിയുടെ ലോകത്ത് അതുല്യമായ നേട്ടങ്ങൾ കൈവരിച്ച പ്രതിഭ റൗൾ ജോൺ അജു ആയിരുന്നു മുഖ്യ പ്രഭാഷകൻ .നിർമ്മിത ഭുദ്ധി യെ കുറിച്ച് റൗൾ നടത്തിയ പ്രഭാഷണവും പ്രെസെന്റേഷനും വിദ്യാർത്ഥികളെയും മുതിർന്നവരെയും ഒരു പോലെ ആകർഷിച്ചു . 

ഇന്നവേഷനുകൾ, മത്സരങ്ങൾ, പ്രദർശനങ്ങൾ, വിദഗ്ധ പ്രഭാഷണങ്ങൾ എന്നിവയിലൂടെ ശാസ്ത്രോത്സവ് 2025 എല്ലാതരം പ്രേക്ഷകരെയും ശാസ്ത്രലോത്തോട് കൂടുതൽ അടുപ്പിക്കുന്ന അനുഭവമായി.

 പരിപാടിയുടെ ഭാഗമായി ഗൾഫ്  മേഖലയിൽ  ആദ്യമായി ഒരു റോബോട്ട് കഥാപാത്രമായി വരുന്ന Robo Cop എന്ന ഒരു ചെറു നാടകവും വേദിയിൽ 
അരങ്ങേരി. കൂടാതെ ഹോളോഗ്രാം ഷോ, zain ടെക് കമ്പനി അവതരിപ്പിച്ച ഡ്രോൺ പ്രദർശനം എന്നിവയും ഉ ണ്ടായിരുന്നു 
 സ്കൂൾ വിദ്യാർത്ഥികളുടെയും, യൂണിവേഴ്സിറ്റി വിദ്യാർത്ഥികളുടെയും, സയൻസ് പ്രൊജക്റ്റ് മത്സരം, റുബിക് ക്യുബ് മത്സരം,  എന്നിവയും ശാസ്‌ത്രോ ത്സവിനോട നുബന്ധിച്ചു നടന്നു .പരിപാടിയുടെ ഭാഗമായി തയ്യാറാക്കിയ സുവനീർ ചടങ്ങിൽ വച്ച് പ്രകാശനം ചെയ്തു .
ഇന്ത്യൻ സ്കൂളുകളും , കൂടാതെ കുവൈത്തിലെ പ്രമുഖ ബൈലിംഗൽ സ്‌കൂളുകളിലെ വിദ്യാർത്ഥികളും ഉൾപ്പടെ 12 സ്കൂളുകളിൽ നിന്നുള്ള വിദ്യാർത്ഥികൾ ശാസ്ത്ര പ്രദർശന മത്സരങ്ങളിൽ പങ്കെടുത്തു . കൂടാതെ കുവൈത്തു യൂണിവേഴ്സിറ്റി , ഗൾഫ് യൂണിവേസിറ്റി ഫോർ സയൻസ് ആൻഡ് ടെക്നോളജി , ഓസ്‌ട്രേലിയൻ യൂണിവേഴ്സിറ്റി ഓഫ് കുവൈറ്റ്, എന്നിവയും മറ്റു യൂണിവേഴ്സിറ്റി വിദ്യാർത്ഥികളും ശാസ്ത്ര പ്രദർശന മത്സരങ്ങളിൽ പങ്കെടുത്തു .
സയൻസ് എക്സിബിഷൻ മത്സരങ്ങളിൽ ഫഹാഹീൽ ഇന്ത്യൻ സ്കൂളിന് ഒന്നാം സമ്മാനവും , ഖൈത്താൻ കാർമ്മൽ സ്കൂളിന് രണ്ടാം സമ്മാനവും , ഡൽഹി പബ്ലിക് സ്കൂളിന് മൂന്നാം സമ്മാനവും ലഭിച്ചു .
"ബിൽഡ് എ റോബോട്ട്" മത്സരത്തിൽ ഐ സി എസ് കെ സ്കൂളിന് ഒന്നാം സമ്മാനവും , കാർമൽ സ്കൂളിനും രണ്ടാം സമ്മാനവും ഇന്ത്യ ഇന്റർനാഷണൽ സ്കൂൾ മംഗഫ് നു മൂന്നാം സമ്മാനവും ലഭിച്ചു .

  ശാസ്ത്രോത്സവത്തിന്റെ ഭാഗമായി നടന്ന ഓൺലൈൻ ക്വിസ് മത്സരം , എക്സിബിഷൻ , റുബിക്സ് ക്യൂബ് എന്നി മത്സരങ്ങളിലെ വിജയികൾക്കുള്ള സമ്മാന ദാനം പരിപാഠികളുടെ സ്പോണ്സർമാരും കെ ഇ എഫ് ഭാരവാഹികളും എൻ എസ് എസ് എൻജിനീയറിങ് കോളേജ് അലുംനി ഭാരവാഹികളും, മെമ്പർമാറും ചേർന്ന് നിർവഹിച്ചു .
ശാസ്ത്രോൽസവ് കൺവീനർ ഷെമിജ് കുമാർ , അലുംനി പ്രസിഡന്റ് പ്രേം ശേഖർ മറ്റു സബ് കമ്മിറ്റി കൺവീനർമാരായ സന്തോഷ്കുമാർ , കിരൺ കുര്യൻ , ഗീത ശ്യാം , വിനോദ് എ പി , മൃദുൽ കാരാട്ട് , ജസ്റ്റിൻ ജോസഫ് , പ്രവീൺ ഫ്രാൻസിസ് , പ്രിയൻ എൻ , രാജേഷ് .വി. , വരുൺ ദേവ്,ശരത് ബാബു എന്നിവരും മറ്റു കമ്മിറ്റി മെമ്പർമാരും ചേർന്ന് പരിപാടികൾ നിയന്ത്രിച്ചു.

Related News