130 വെന്റിലേറ്റർ; 200 ഐസിയു; 425 ഓക്സിജൻ കിടക്കകൾ; ആകെ 1400 കിടക്കകളും; കൊറോണ ചികിത്സയ്ക്ക് തിരുവനന്തപുരം മെഡിക്കൽ കോളേജിൽ അടിയന്തര സംവിധാനങ്ങൾ

  • 25/04/2021

തിരുവനന്തപുരം: ജില്ലയിൽ കൊറോണ രോഗികളുടെ എണ്ണം വർധിച്ച സാഹചര്യത്തിൽ തിരുവനന്തപുരം മെഡിക്കൽ കോളജിനെ കൊറോണ ചികിത്സയ്ക്ക് പൂർണസജ്ജമാക്കാൻ ആരോഗ്യ മന്ത്രി കെകെ ശൈലജ ടീച്ചറുടെ നിർദേശ പ്രകാരം ആരോഗ്യ വകുപ്പ് ജോ. സെക്രട്ടറി ഡോ. ശ്രീറാം വെങ്കിട്ടരാമന്റെ നേതൃത്വത്തിൽ മെഡിക്കൽ കോളജിൽ യോഗം ചേർന്നു. നിലവിൽ 486 കൊറോണ കിടക്കകളുള്ള മെഡിക്കൽ കോളജിനെ കൊറോണ ചികിത്സയ്ക്കായി വിപുലീകരിച്ച്‌ 1400 കിടക്കകളാക്കാനുള്ള പദ്ധതി ആവിഷ്‌ക്കരിച്ചു. മെഡിക്കൽ കോളജ് ആശുപത്രിയിൽ 1100 കിടക്കകളും എസ്.എ.ടി. ആശുപത്രിയിൽ 300 കിടക്കകളുമാണ് സജ്ജമാക്കുന്നത്. ഈ മാസം 30 നകം ഈ കിടക്കകൾ സജ്ജമാക്കുന്നതാണ്. മെഡിക്കൽ കോളജ് ആശുപത്രിയിലെ 115 ഐ.സി.യു. കിടക്കകൾ 200 ആക്കി വർധിപ്പിക്കുന്നതാണ്. അതിൽ 130 എണ്ണം വെന്റിലേറ്റർ സൗകര്യമുള്ളതായിരിക്കും. 227 ഓക്‌സിജൻ കിടക്കകൾ 425 ആയി വർധിപ്പിക്കും.

കൊറോണ ഇതര രോഗികളെ സൂപ്പർ സ്‌പെഷ്യാലിറ്റി ബ്ലോക്കിലേക്ക് മാറ്റുന്നതാണ്. കൂടാതെ 16, 17, 18, 19 വാർഡുകളിലും കൊറോണ ഇതര രോഗികളെ ചികിത്സിക്കുന്നതാണ്. 450 കൊവിഡിതര രോഗികൾക്കുള്ള കിടക്കകളാണ് മെഡിക്കൽ കോളജ് ആശുപത്രിയിൽ ഉണ്ടാകുക. അടിയന്തരമല്ലാത്ത എല്ലാ ശസ്ത്രക്രിയകളും മാറ്റിവയ്ക്കും. ഗുരുതരമല്ലാത്ത രോഗികളെ ജനറൽ ആശുപത്രിയിലേക്കും തൈക്കാട് ആശുപത്രിയിലേക്കും ബാക്ക് റഫറലായി മാറ്റും. ബാക്ക് റെഫറൽ ചെയ്യുന്ന കാസ്പ് കാർഡുള്ള രോഗികൾക്ക് കാസ്പ് അക്രഡിറ്റഡ് പ്രൈവറ്റ് ആശുപത്രിയിലേക്കും മാറാൻ സാധിക്കും. കിടക്കകൾ വർധിപ്പിക്കുന്നതനുസരിച്ച്‌ ഉപകരണങ്ങളും ജീവനക്കാരേയും വർധിപ്പിക്കും. പുതിയ ഉപകരണങ്ങൾക്ക് പുറമേ മറ്റാശുപത്രികളിൽ ഉപയോഗിക്കാതെ കിടക്കുന്ന ഉപകരണങ്ങൾ മെഡിക്കൽ കോളജിലേക്ക് മാറ്റും. 150 നഴ്‌സുമാരേയും 150 ക്ലീനിങ് സ്റ്റാഫിനേയും എൻ.എച്ച്‌.എം. വഴി അടിയന്തരമായി നിയമിക്കും. നഴ്‌സുമാരുടെ വാക്ക് ഇൻ ഇന്റർവ്യൂ തിങ്കളാഴ്ച മെഡിക്കൽ കോളജിൽ നടക്കും. ഒഫ്ത്താൽമോളജി, റെസ്പിറേറ്ററി മെഡിസിൻ എന്നീ വിഭാഗങ്ങളിലെ ജീവനക്കാരെ മെഡിക്കൽ കോളേജ് ആശുപത്രിയിൽ നിയമിക്കാനും തീരുമാനമായി.

ജില്ലാ ഡെവലപ്‌മെന്റ് കമ്മീഷണർ ഡോ. വിനയ് ഗോയൽ, സ്‌പെഷ്യൽ ഓഫിസർ ഡോ. ബിഎസ് തിരുമേനി, മെഡിക്കൽ വിദ്യാഭ്യാസ വകുപ്പ് ഡയറക്ടർ ഡോ. എ റംലാ ബീവി, ആരോഗ്യ വകുപ്പ് അഡീഷണൽ ഡയറക്ടർ ഡോ. രാജു, ഡിപിഎം ഡോ. പിവി അരുൺ, മെഡിക്കൽ കോളജ് പ്രിൻസിപ്പൽ ഡോ. സാറ വർഗീസ്, വൈസ് പ്രിൻസിപ്പൽ ഡോ. അജയകുമാർ, മെഡിക്കൽ കോളജ് ആശുപത്രി സൂപ്രണ്ട് ഡോ. എംഎസ് ഷർമദ്, എസ്.എ.ടി. ആശുപത്രി സൂപ്രണ്ട് ഡോ. എ സന്തോഷ്‌കുമാർ, ഡെപ്യൂട്ടി സൂപ്രണ്ടുമാരായ ഡോ. ജോബി ജോൺ, ഡോ. എസ്‌എസ് സന്തോഷ്‌കുമാർ, ഡോ. സുനിൽകുമാർ, കോവിഡ് ചീഫ് ഡോ. നിസാറുദ്ദീൻ, ആർ.എം.ഒ. ഡോ. മോഹൻ റോയ്, വിവിധ വകുപ്പ് മേധാവികൾ എന്നിവർ ചർച്ചയിൽ പങ്കെടുത്തു.

Related News

സാന്‍റിയാഗോ മാര്‍ട്ടിന്‍റെ വീട്ടിലെയും ഓഫീസുകളിലെയും റെയ്ഡ്; ...
  • 18/11/2024
സിപിഎം ഏരിയ സമ്മേളനത്തില്‍ ഇപി ജയരാജനും പി പി ദിവ്യക്കും വിമ ...
  • 18/11/2024
കുട്ടികള്‍ക്ക് പോലും തെറ്റായ സന്ദേശം നല്‍കുന്നു; സീരിയലുകള്‍ ...
  • 18/11/2024
അടിക്കടി ഉരുള്‍പൊട്ടല്‍, കായല്‍ മലിനീകരണം; വിനോദ സഞ്ചാരികള്‍ ...
  • 18/11/2024
മുനമ്ബം; മുസ്ലീം ലീഗ് നേതാക്കള്‍ ലത്തീന്‍സഭാ നേതൃത്വത്തെ കണ് ...
  • 18/11/2024
പാലക്കാട് ആവേശ കൊടുങ്കാറ്റ്, പരസ്യപ്രചാരണത്തിന് കൊട്ടിക്കലാശ ...
  • 18/11/2024
'മകള്‍ ജീവനൊടുക്കില്ല': നഴ്സിങ് വിദ്യാര്‍ഥിനിയുടെ മരണത്തില്‍ ...
  • 18/11/2024
പാലക്കാട് പരസ്യ പ്രചാരണത്തിന് ഇന്ന് സമാപനം; കൊട്ടിക്കലാശം ഗം ...
  • 17/11/2024
മണിക്കൂറില്‍ 15 മില്ലിമീറ്റര്‍ വരെ മഴയ്ക്ക് സാധ്യത; ഇടിമിന്ന ...
  • 17/11/2024
ഇരട്ടവോട്ടുകള്‍ ഉടൻ നീക്കണം; എല്‍ഡിഎഫിന്റെ പാലക്കാട് കലക്ടറേ ...
  • 17/11/2024
സീപ്ലെയിൻ പദ്ധതിക്കെതിരെ മത്സ്യത്തൊഴിലാളികള്‍ സമരത്തിന്; ആലപ ...
  • 16/11/2024
നാല് മണിക്കൂര്‍ നീണ്ട തിരച്ചില്‍, ചതുപ്പില്‍ ഒളിച്ചിരുന്ന കു ...
  • 16/11/2024