കൊറോണ ലക്ഷണമുണ്ടെങ്കിൽ റൂം ക്വാറന്റൈനിൽ കഴിയണമെന്ന് ആരോഗ്യ വകുപ്പ്

  • 30/04/2021

തിരുവനന്തപുരം: കൊറോണ വ്യാപനം വർധിക്കുന്നതിന്റെ പശ്ചാത്തലത്തിൽ കൊറോണ ലക്ഷണങ്ങൾ അനുഭവപ്പെട്ടാൽ നിർബന്ധമായും റൂം ക്വാറന്റൈനിൽ കഴിയണമെന്ന് ജില്ലാ ആരോഗ്യ വിഭാഗം. ഇവർ നിർബന്ധമായും കൊറോണ ടെസ്റ്റിന് വിധേയരാകണമെന്നും പരിശോധനാഫലം ലഭിക്കുംവരെ റൂം ക്വാറന്റൈനിൽ കഴിയണമെന്നും ജില്ലാ മെഡിക്കൽ ഓഫിസർ ഡോ. കെ.എസ്. ഷിനു അറിയിച്ചു.
 
കൊറോണ പോസിറ്റീവ് ആയാൽ അടുത്തുള്ള ആരോഗ്യ സ്ഥാപനത്തിലേക്ക് ഫോൺ വഴി അറിയിക്കണം. ആരോഗ്യ സ്ഥാപനത്തിലേയോ ആരോഗ്യ പ്രവർത്തകരുടെയോ ആശാ പ്രവർത്തകരുടേയോ ഫോൺ നമ്പർ അറിയാത്തവർ പഞ്ചായത്ത് അധികൃതരെ അറിയിക്കണം. അതിനും കഴിഞ്ഞില്ലെങ്കിൽ ദിശ 1056 /0471 2552056, 1077, 9188610100, 0471 2779000 ഇവയിലേതെങ്കിലും നമ്പറിലേക്ക് വിളിക്കുകയും നിർദേശങ്ങൾ കൃത്യമായി പാലിക്കുകയും വേണം.
 
രോഗികൾക്കും ചെറിയ ലക്ഷണങ്ങൾ മാത്രമുള്ളവർക്കും അടുത്തുള്ള മെഡിക്കൽ ഓഫീസറുടെ നിർദ്ദേശപ്രകാരം വീട്ടിൽ റൂം ഐസലേഷനിൽ കഴിയാവുന്നതാണ്. അറ്റാച്ഡ് ബാത്ത് റൂം സൗകര്യമുള്ള പ്രത്യേക മുറിയിൽ കഴിയണം. അത്തരം സൗകര്യങ്ങൾ വീട്ടിൽ ഇല്ലാത്തവർക്ക് അതാത് പഞ്ചായത്തുകളിൽ ഒരുക്കിയിട്ടുള്ള ഡൊമിസിലറി കെയർ സെന്ററുകൾ ഉപയോഗിക്കാം.

രോഗലക്ഷണങ്ങൾ മൂർച്ഛിക്കുകയാണെങ്കിൽ മെഡിക്കൽ ഓഫിസറുടെ നിർദേശപ്രകാരം സി.എഫ്.എൽ.റ്റി.സി കളിലേക്കോ സി.എസ്.എൽ.റ്റി.സികളിലേക്കോ മാറ്റുന്നതാണ്. മറ്റ് അസുഖ ബാധിതതർക്കു കൊറോണ ബാധിച്ചാൽ അസുഖത്തിന്റെ തോതനുസരിച്ച്‌ മെഡിക്കൽ ഓഫിസർ നിർദേശിക്കുന്നതു പ്രകാരം സി.എഫ്.എൽ.റ്റി.സിയിലേക്കോ സി.എസ്.എൽ.റ്റി.സിയിലേക്കോ അയച്ചു ചികിത്സിക്കും. 

എന്നാൽ ഗുരുതര രോഗബാധിതർക്ക് കൊറോണ ബാധിച്ചാൽ കൊറോണ ആശുപത്രികളിൽ ചികിത്സിക്കുന്നതാണ്. തീവ്ര ലക്ഷണങ്ങളുള്ളവരെയും കൊറോണ ആശുപത്രിയിൽ ചികിത്സിക്കും. കൊറോണ രോഗനിയന്ത്രണത്തിനായി ആരോഗ്യപ്രവർത്തകരുടെ നിർദ്ദേശങ്ങൾ കർശനമായും പാലിക്കണമെന്ന് ജില്ലാ മെഡിക്കൽ ഓഫിസർ അഭ്യർഥിച്ചു

Related News

7 ചോദ്യം, അച്ചടക്ക ലംഘനത്തിന് ചാര്‍ജ് മെമ്മോ നല്‍കിയ ചീഫ് സെ ...
  • 26/12/2024
'വരുമാനം മുൻവര്‍ഷത്തെ അപേക്ഷിച്ച്‌ 28 കോടി രൂപയോളം കൂടുതല്‍' ...
  • 26/12/2024
എം ടിക്ക് അരികില്‍ മോഹൻലാല്‍; 'ഞാൻ ആ സ്നേഹം വേണ്ടുവോളം അനുഭവ ...
  • 25/12/2024
'സമൂഹ മനസിനെ അടയാളപ്പെടുത്തിയ പ്രതിഭ, നികത്താനാവാത്ത നഷ്ടം'- ...
  • 25/12/2024
എം.ടി വാസുദേവൻ നായര്‍ അന്തരിച്ചു
  • 25/12/2024
യുവമോര്‍ച്ച നേതാവ്, 400 ലേറെ ബാങ്ക് അക്കൗണ്ടുകള്‍; ലിങ്കണ്‍ ...
  • 25/12/2024
3 ദിവസം മാത്രം പ്രായം, ക്രിസ്‌മസ് ദിനത്തില്‍ അമ്മത്തൊട്ടിലില ...
  • 25/12/2024
തൃശൂര്‍ മേയറുമായും ആര്‍ച്ച്‌ ബിഷപ്പുമായും കൂടിക്കാഴ്ച നടത്തി ...
  • 25/12/2024
ഒരാള്‍ സ്റ്റെപ്പിനരികില്‍, രണ്ടാമത്തേയാള്‍ പിന്‍ഭാഗത്ത്; കാര ...
  • 23/12/2024
ഷാള്‍ ചക്രത്തില്‍ കുരുങ്ങി; തലയടിച്ച്‌ വീണ സ്കൂട്ടര്‍ യാത്രക ...
  • 23/12/2024
വനനിയമ ഭേദഗതി മാറ്റത്തിനൊരുങ്ങി വനംവകുപ്പ്; എതിര്‍പ്പുയര്‍ന് ...
  • 23/12/2024
എ വിജയരാഘവന്റെ വര്‍ഗീയ പരാമര്‍ശം; ഡിജിപിക്ക് പരാതി നല്‍കി യൂ ...
  • 23/12/2024