നിയമസഭാ തെരഞ്ഞെടുപ്പ്: ആദ്യ ഫലസൂചനകള്‍ എല്‍ഡിഎഫിന് അനുകൂലം, പാലക്കാട് മെട്രോമാന്‍ മുന്നില്‍

  • 02/05/2021



പാലക്കാട്: നിയമസഭ തെരഞ്ഞെടുപ്പിന്റെ വോട്ടെണ്ണല്‍ ആരംഭിച്ചു. ആദ്യ ഫലസൂചനകളുടെ അടിസ്ഥാനത്തില്‍ എല്‍ഡിഎഫ് ആണ് മുന്നില്‍. പാലക്കാട് ബി.ജെ.പി സാരഥി ഇ.ശ്രീധരന്‍ മുന്നിലാണ്. യു.ഡി.എഫിലെ ഷാഫി പറമ്പിലാണ് തൊട്ടുപിന്നില്‍. അതേ സമയം മണ്ണാര്‍ക്കാട് മണ്ഡലത്തില്‍ മുസ്ലിം ലീഗിലെ എന്‍. ശംസുദ്ദീന്‍ മുന്നിലാണ്. മലപ്പുറം ജില്ലയിലെ മഞ്ചേരിയില്‍ എല്‍.ഡി.എഫിലെ ഡിബോണ നാസറും തിരൂരങ്ങാടിയില്‍ നിയാസ് പുളിക്കലകത്തും മുന്നിലാണ്. രണ്ടു സീറ്റിലും മുസ്ലിം ലീഗ് സ്ഥാനാര്‍ഥികളാണ് പിന്നില്‍. തിരൂരങ്ങാടിയില്‍ കെ.പി.എ മജീദും മഞ്ചേരിയില്‍ യു.എ ലത്തീഫുമാണ് പിന്നില്‍.

മഞ്ചേശ്വരത്ത് യു.ഡി.എഫ് സ്ഥാനാര്‍ഥി എ.കെ.എം. അഷ്‌റഫ് മുന്നിലാണ്. അതേസമയം, തവനൂരില്‍ മന്ത്രി കെ.ടി. ജലീലും പൂഞ്ഞാറില്‍ പി.സി. ജോര്‍ജും പിന്നിലാണ്.

ആദ്യം തപാല്‍ ബാലറ്റുകളാണ് എണ്ണിത്തുടങ്ങിയത്. തപാല്‍ വോട്ട് കൂടുതലുള്ളതിനാല്‍ അന്തിമ ഫലം വൈകിയേക്കും. നാലരലക്ഷത്തിലേറെ തപാല്‍ ബാലറ്റാണ് ഇക്കുറിയുള്ളത്.

140 മണ്ഡലങ്ങളിലായി 957 സ്ഥാനാര്‍ഥികളാണ് മത്സരരംഗത്തുള്ളത്. ഏപ്രില്‍ ആറിന് നടന്ന വോട്ടെടുപ്പില്‍ 74.06 ആണ് പോളിങ് ശതമാനം. 2.74 കോടി വോട്ടര്‍മാരില്‍ 2.03 കോടി പേരാണ് സമ്മതിദാനാവകാശം വിനിയോഗിച്ചത്.

കമീഷന്റെ വെബ്‌സൈറ്റായ https://results.eci.gov.in/ ല്‍ വോട്ടെണ്ണല്‍ പുരോഗമിക്കുന്നതിനനുസരിച്ച് ഫലം ലഭ്യമാകും. 'വോട്ടര്‍ ഹെല്‍പ്‌ലൈന്‍ ആപ്പി'ലൂടെയും ഫലമറിയാം. കോവിഡ് സാഹചര്യത്തില്‍ വിജയാഹ്ലാദ പ്രകടനങ്ങള്‍ വിലക്കിയിട്ടുണ്ട്. പൊലീസ് കനത്ത സുരക്ഷാ സംവിധാനങ്ങളാണ് സംസ്ഥാനത്തുള്ളത്.

Related News

മുഖം ആസിഡ് ഒഴിച്ച്‌ പൊള്ളിച്ച നിലയില്‍, കാട്ടില്‍ വച്ച്‌ കൊല ...
  • 19/04/2024
വേനല്‍ മഴയ്ക്കൊപ്പം വില്ലനായി ഡെങ്കിപ്പനി, പടരാതിരിക്കാൻ ജാഗ ...
  • 19/04/2024
സമൂഹമാധ്യമം വഴി പരിചയം; സഹോദരിമാരെ ബൈക്കില്‍ കടത്തിക്കൊണ്ടുപ ...
  • 19/04/2024
കല്യാശ്ശേരി കള്ളവോട്ട് സംഭവം: വോട്ട് അസാധുവാക്കും, റീപോളിംഗ് ...
  • 19/04/2024
ഏഴ് വയസുകാരനെ രണ്ടാനച്ഛൻ മർദിച്ച സംഭവം; തടഞ്ഞില്ല, മാതാവ് അറ ...
  • 19/04/2024
കെ കെ ശൈലജക്കെതിരായ സൈബർ അധിക്ഷേപം; യൂത്ത് കോൺഗ്രസ് പ്രവർത്ത ...
  • 19/04/2024
പത്തനംതിട്ടയിലും വോട്ടിംഗ് മെഷീനെതിരെ പരാതി; 9 വോട്ടുകൾ ചെയ് ...
  • 19/04/2024
നവകേരള ബസ് സർവീസിലേക്ക്, ഇനി പൊതുജനങ്ങൾക്ക് യാത്ര ചെയ്യാം
  • 19/04/2024
സജി മഞ്ഞക്കടമ്പിൽ പുതിയ പാർട്ടി രൂപീകരിച്ചു; പേര് കേരള കോൺഗ് ...
  • 19/04/2024
'രക്തം പുരണ്ട വസ്ത്രം ലഭിച്ചിട്ടില്ല, ജെസ്‌ന ഗർഭിണി അല്ലായിര ...
  • 19/04/2024
കോന്നി മെഡിക്കൽ കോളജിലെ അത്യാഹിത വിഭാഗത്തിൽ കാട്ടുപന്നി പാഞ് ...
  • 19/04/2024
സജീവ തെരെഞ്ഞെടുപ്പ് പ്രചാരണവുമായി മുഖ്യമന്ത്രി ഇന്ന് കോഴിക്ക ...
  • 19/04/2024