വാര്‍ഡ് തല സമിതികള്‍ സജീവമല്ല, അലംഭാവം വെടിയണം,അഞ്ച് പള്‍സ് ഓക്‌സി മീറ്ററെങ്കിലും കരുതണം: മുഖ്യമന്ത്രി

  • 08/05/2021



തിരുവനന്തപുരം: കോവിഡിന്റെ രണ്ടാം ഘട്ടത്തില്‍ നേരിടുന്നത് വലിയ വെല്ലുവിളിയാണെന്നും പടരുന്നത് തീവ്രവ്യാപന ശക്തിയുള്ള വൈറസാണെന്നും മുഖ്യമന്ത്രി പിണറായി വിജയന്‍. ടിപിആര്‍ കൂടുതലുള്ള സ്ഥലങ്ങളില്‍ ജാഗ്രത വേണമെന്നും അദ്ദേഹം നിര്‍ദേശിച്ചു.

ചില തദ്ദേശ സ്ഥാപനങ്ങളില്‍ ചികിത്സാ സൗകര്യങ്ങളുടെ കുറവുണ്ട്. ഇത്തരം കുറവുകള്‍ അടിയന്തരമായി പരിഹരിക്കണം. വാര്‍ഡ് തല സമിതികള്‍ പലയിടത്തും സജീവമല്ല. അലംഭാവം വെടിഞ്ഞ് എല്ലാ വാര്‍ഡുകളിലും സമിതികള്‍ ഉണ്ടാക്കണമെന്നും അദ്ദേഹം പറഞ്ഞു. സന്നദ്ധ പ്രവര്‍ത്തകരെയും ശുചീകരണ പ്രവര്‍ത്തകരെയും കണ്ടെത്തണം. വാര്‍ഡുതല സമിതികള്‍ കോവിഡ് പ്രതിരോധത്തിന്റെ മുന്‍നിരയിലെ പ്രവര്‍ത്തകരാണ്. ഇവര്‍ക്ക് വാക്‌സിന്‍ വിതരണത്തില്‍ മുന്‍ഗണന ഉണ്ടാകും. ആംബുലന്‍സ് തികയുന്നില്ലെങ്കില്‍ പകരം വാഹനങ്ങളുടെ പട്ടിക വേണം. തദ്ദേശ സ്ഥാപനങ്ങള്‍ ഇക്കാര്യങ്ങളില്‍ കൂടുതല്‍ ജാഗ്രത പുലര്‍ത്തണമെന്നും മുഖ്യമന്ത്രി കൂട്ടിച്ചേര്‍ത്തു.

മൃതദേഹം സംസ്‌കരിക്കാന്‍ വാര്‍ഡുതല സമിതി ഇടപെടണം. വയോജനങ്ങളുടെയും രോഗികളുടെയും പട്ടിക തയാറാക്കണം. പള്‍സ് ഓക്‌സി മീറ്ററുകളുടെ പൂള്‍ തയാറാക്കണം. ഒരു വാര്‍ഡ് തല സമിതി അഞ്ച് പള്‍സ് ഓക്‌സി മീറ്ററെങ്കിലും കരുതണം. ഒരോ വാര്‍ഡിലും സന്നദ്ധ സേന ഉണ്ടാക്കണം. പ്രാദേശിക തലത്തില്‍ കണ്‍ട്രോള്‍ റൂമുകള്‍ ഉണ്ടാക്കണം. പ്രാദേശിക തലത്തില്‍ ഒന്നിലധികം മെഡിക്കല്‍ ടീമും വേണമെന്നും മുഖ്യമന്ത്രി വ്യക്തമാക്കി.

രോഗലക്ഷണങ്ങള്‍ ഇല്ലാത്തവരും നേരിയ ലക്ഷണങ്ങള്‍ ഉള്ളവരും വീട്ടില്‍ ക്വാറന്റൈനില്‍ കഴിയണം. വീടുകളില്‍ സൗകര്യമില്ലാത്തവര്‍ ഡൊമിസിലിയറി കെയര്‍ സെന്ററുകളിലേക്ക് മാറണം. ഡിസിസിയില്‍ കഴിയുന്നവരുടെ ഭക്ഷണം വാര്‍ഡ് തല സമിതികളുടെ ഉത്തരവാദിത്വമാണെന്നും മുഖ്യമന്ത്രി പറഞ്ഞു.

Related News

പാലക്കാട് പരസ്യ പ്രചാരണത്തിന് ഇന്ന് സമാപനം; കൊട്ടിക്കലാശം ഗം ...
  • 17/11/2024
മണിക്കൂറില്‍ 15 മില്ലിമീറ്റര്‍ വരെ മഴയ്ക്ക് സാധ്യത; ഇടിമിന്ന ...
  • 17/11/2024
ഇരട്ടവോട്ടുകള്‍ ഉടൻ നീക്കണം; എല്‍ഡിഎഫിന്റെ പാലക്കാട് കലക്ടറേ ...
  • 17/11/2024
സീപ്ലെയിൻ പദ്ധതിക്കെതിരെ മത്സ്യത്തൊഴിലാളികള്‍ സമരത്തിന്; ആലപ ...
  • 16/11/2024
നാല് മണിക്കൂര്‍ നീണ്ട തിരച്ചില്‍, ചതുപ്പില്‍ ഒളിച്ചിരുന്ന കു ...
  • 16/11/2024
അവസാന വേഷമെന്ന് അറിഞ്ഞില്ല, കാണികളെ ആര്‍ത്തു ചിരിപ്പിച്ച്‌ അ ...
  • 16/11/2024
'സന്ദീപ് വാര്യര്‍ കോണ്‍ഗ്രസില്‍ നീണാള്‍ വാഴട്ടെ'; ആശംസിച്ച്‌ ...
  • 16/11/2024
സംസ്ഥാനത്തെ ഭരണ രംഗത്ത് ഇനി മുതല്‍ 'ടിയാരി' വേണ്ട; സര്‍ക്കുല ...
  • 16/11/2024
സന്ദീപ് വാര്യ‍ര്‍ ഇനി കോണ്‍ഗ്രസുകാരൻ; 'സ്നേഹത്തിന്റെ കടയില്‍ ...
  • 16/11/2024
മുസ്ലിം ലീഗും യുഡിഎഫും സര്‍ക്കാരിനൊപ്പമുണ്ട്, വയനാടിന് ആവശ്യ ...
  • 15/11/2024
അഞ്ച് മാസത്തെ കാത്തിരിപ്പ്, ശക്തന്‍ പ്രതിമ പുനഃസ്ഥാപിച്ചു
  • 15/11/2024
ഏഴാം ക്ലാസ് തുല്യതാ പരീക്ഷ പാസായി ഇന്ദ്രന്‍സ്; അഭിനന്ദിച്ച്‌ ...
  • 15/11/2024