കേരളത്തിൽ കൊറോണ പരിശോധന കിറ്റുകൾക്ക് ക്ഷാമം: മിക്ക ജില്ലകളിലും പരിശോധനകളുടെ എണ്ണവും കുറഞ്ഞു

  • 10/05/2021

കോഴിക്കോട്: സംസ്ഥാനത്ത് കൊറോണ രോഗികളുടെ എണ്ണം വർധിച്ചതോടെ  പരിശോധന കിറ്റുകൾക്ക് ക്ഷാമം. ഇതോടെ ഒട്ടുമിക്ക ജില്ലകളിലും പരിശോധനകളുടെ എണ്ണവും കുറഞ്ഞു.

കേരളത്തിൽ കൊറോണ പരിശോധനകളുടെ എണ്ണം കൂടാൻ തുടങ്ങിയത് ഏപ്രിൽ മൂന്നാം വാരം മുതലാണ്. കൊറോണ രണ്ടാം തരംഗം ഏറ്റവും രൂക്ഷമായ സാഹചര്യത്തിലായിരുന്നു നടപടി.

അതുവരെ മടിച്ച് നിന്നവരുൾപ്പെടെ മാസ് ടെസ്റ്റുകൾക്കായി വരിനിൽക്കാൻ തുടങ്ങി. ആർടിപിസിആർ ഫലം വൈകിയതോടെ ആൻറിജൻ ടെസ്റ്റുകളുടെ എണ്ണം കുതിച്ചുയർന്നു. ഇതോടെയാണ് ടെസ്റ്റ് കിറ്റുകൾക്ക് ക്ഷാമം നേരിടാൻ തുടങ്ങിയതെന്ന് വിവിധ ജില്ലകളിലെ മെഡിക്കൽ ഓഫീസർമാർ പറയുന്നു. 

കോഴിക്കോട് ജില്ലയിലെ കഴിഞ്ഞ നാല് ദിവസത്തെ കണക്കുകളെടുത്താൽ കൊറോണ പരിശോധനകളുടെ എണ്ണം കുറയുന്നത് വ്യക്തമാകും. ഇക്കഴിഞ്ഞ വ്യാഴാഴ്ച 20778 സാമ്പിളുകളായിരുന്നു പരിശോധിച്ചത്. 5700 പേർക്ക് രോഗം സ്ഥിരീകരിച്ചു. വെളളിയാഴ്ച പരിശോധനയുടെ എണ്ണം 16008 ആയി കുറ‌ഞ്ഞു. രോഗം സ്ഥിരീകരിച്ചവരുടെ എണ്ണം 4200. ശനിയാഴ്ച പരിശോധനകളുടെ എണ്ണം വീണ്ടും കുറഞ്ഞ് 15120 ലെത്തി. ഇന്നലെയായിരുന്നു ഏറ്റവും കുറവ് പരിശോധന നടത്തിയത്. 13413 സാമ്പിളുകൾ. 

ജില്ലയിൽ ദിവസം 20000 ടെസ്റ്റുകൾ നടത്തുമെന്ന പ്രഖ്യാപനം നിലനിൽക്കെയാണ് എണ്ണത്തിലുളള ഈ കുറവ്. ടെസ്റ്റ് കിറ്റുകൾക്കുളള ക്ഷാമമാണ് പരിശോധനകളുടെ എണ്ണം കുറയാൻ കാരണമെന്ന് ജില്ലാ കളക്ടർ സാംബശിവ റാവു അറിയിച്ചു. 20000 ത്തോളം ടെസ്റ്റ് കിറ്റുകൾ ഉടൻ എത്തുമെന്നാണ് പ്രതീക്ഷയെന്നും കളക്ടർ പറഞ്ഞു.

തിരുവനന്തപുരം ജില്ലയിൽ ഇന്നലെ 17000ത്തോളം ടെസ്റ്റുകൾ നടത്തിയതിൽ 10000 വും സ്വകാര്യ ലാബുകളിലായിരുന്നു. രണ്ടാം തംരഗത്തിൻറെ തീവ്രത കുറയാൻ ഇനിയും സമയമെടുക്കുമെന്നതിനാൽ ടെസ്റ്റുകളുടെ എണ്ണം കുറയുന്നത് കൊറോണ പ്രതിരോധത്തിൽ വലിയ പ്രതിസന്ധിയാകും.

Related News

പാലക്കാട് പരസ്യ പ്രചാരണത്തിന് ഇന്ന് സമാപനം; കൊട്ടിക്കലാശം ഗം ...
  • 17/11/2024
മണിക്കൂറില്‍ 15 മില്ലിമീറ്റര്‍ വരെ മഴയ്ക്ക് സാധ്യത; ഇടിമിന്ന ...
  • 17/11/2024
ഇരട്ടവോട്ടുകള്‍ ഉടൻ നീക്കണം; എല്‍ഡിഎഫിന്റെ പാലക്കാട് കലക്ടറേ ...
  • 17/11/2024
സീപ്ലെയിൻ പദ്ധതിക്കെതിരെ മത്സ്യത്തൊഴിലാളികള്‍ സമരത്തിന്; ആലപ ...
  • 16/11/2024
നാല് മണിക്കൂര്‍ നീണ്ട തിരച്ചില്‍, ചതുപ്പില്‍ ഒളിച്ചിരുന്ന കു ...
  • 16/11/2024
അവസാന വേഷമെന്ന് അറിഞ്ഞില്ല, കാണികളെ ആര്‍ത്തു ചിരിപ്പിച്ച്‌ അ ...
  • 16/11/2024
'സന്ദീപ് വാര്യര്‍ കോണ്‍ഗ്രസില്‍ നീണാള്‍ വാഴട്ടെ'; ആശംസിച്ച്‌ ...
  • 16/11/2024
സംസ്ഥാനത്തെ ഭരണ രംഗത്ത് ഇനി മുതല്‍ 'ടിയാരി' വേണ്ട; സര്‍ക്കുല ...
  • 16/11/2024
സന്ദീപ് വാര്യ‍ര്‍ ഇനി കോണ്‍ഗ്രസുകാരൻ; 'സ്നേഹത്തിന്റെ കടയില്‍ ...
  • 16/11/2024
മുസ്ലിം ലീഗും യുഡിഎഫും സര്‍ക്കാരിനൊപ്പമുണ്ട്, വയനാടിന് ആവശ്യ ...
  • 15/11/2024
അഞ്ച് മാസത്തെ കാത്തിരിപ്പ്, ശക്തന്‍ പ്രതിമ പുനഃസ്ഥാപിച്ചു
  • 15/11/2024
ഏഴാം ക്ലാസ് തുല്യതാ പരീക്ഷ പാസായി ഇന്ദ്രന്‍സ്; അഭിനന്ദിച്ച്‌ ...
  • 15/11/2024