തിങ്കളാഴ്ച്ച മുതല്‍ 18-45 പ്രായക്കാര്‍ക്ക് വാക്‌സിനേഷന്‍; രജിസ്‌ട്രേഷനായി ചെയ്യേണ്ടത്

  • 14/05/2021



തിരുവനന്തപുരം: ശനിയാഴ്ച മുതല്‍ 18-45 വയസ് പ്രായപരിധിക്കാര്‍ക്ക് വാക്‌സിനേഷനുള്ള രജിസ്‌ട്രേഷന്‍ ആരംഭിക്കുമെന്ന് മുഖ്യമന്ത്രി പിണറായി വിജയന്‍. തിങ്കളാഴ്ച മുതല്‍ വാക്‌സിന്‍ നല്‍കിത്തുടങ്ങും. ഈ പ്രായത്തിലുള്ള അനുബന്ധരോഗമുള്ളവരെയാണ് ആദ്യ മുന്‍ഗണനാ പട്ടികയില്‍ ഉള്‍പ്പെടുത്തിയിരിക്കുന്നത്. 

ഈ വിഭാഗത്തിലെ മുന്‍ഗണന ലഭിക്കേണ്ടവര്‍ ശനിയാഴ്ച മുതല്‍ സംസ്ഥാന സര്‍ക്കാരിന്റെ വെബ്‌സൈറ്റിലൂടെ രജിസ്റ്റര്‍ ചെയ്യണം.വാക്‌സിന്‍ എടുക്കാന്‍ തിരക്കു കൂട്ടേണ്ടതില്ലെന്നും എല്ലാവര്‍ക്കും വാക്‌സിന്‍ ലഭിക്കുമെന്നും മുഖ്യമന്ത്രി പറഞ്ഞു. കോവിഷീല്‍ഡ് ആദ്യ ഡോസ് എടുത്ത് 84 ദിവസം കഴിഞ്ഞേ രണ്ടാമത്തെ ഡോസ് അനുവദിക്കൂ. എന്നാല്‍ കോവാക്‌സിന്‍ രണ്ടാമത്തെ ഡോസ് നാല്ആറ് ആഴ്ചയ്ക്കുള്ളില്‍ എടുക്കണം. കേന്ദ്ര ആരോഗ്യ കുടുംബക്ഷേമമന്ത്രാലയത്തിന്റെ പുതിയ നിര്‍ദേശം അനുസരിച്ചാണിത്. 

വാക്‌സിന്‍ എടുത്താലും മാസ്‌ക് ധരിക്കണം. വീടും പരിസരവും ശുചിയാക്കാനുള്ള പ്രവര്‍ത്തനം നടത്താന്‍ 16ന് ഡ്രൈ ഡേ  ആചരിക്കണമെന്നു മുഖ്യമന്ത്രി പറഞ്ഞു.

എങ്ങനെ രജിസ്റ്റര്‍ ചെയ്യണം 

18 വയസിനും 44 വയസിനും ഇടയിലുള്ളവരുടെ രജിസ്‌ട്രേഷന്‍ കോവിന്‍ വെബ് സൈറ്റില്‍ നേരത്തെ തുടങ്ങിയിരുന്നു. രജിസ്റ്റര്‍ ചെയ്യാത്തവര്‍ ആദ്യമായി https://www.cowin.gov.inഎന്ന വെബ്‌സൈറ്റില്‍ രജിസ്റ്റര്‍ ചെയ്യുക

അതിന് ശേഷം മുന്‍ഗണന ലഭിക്കുന്നതിനായി https://covid19.kerala.gov.in/vaccine/ എന്ന വെബ്‌സൈറ്റില്‍ പ്രവേശിക്കുക

മൊബൈല്‍ നമ്പര്‍ നല്‍കുമ്പോള്‍ ഒടിപി ലഭിക്കും

ഒടിപി നല്‍കുമ്പോള്‍ വിവരങ്ങള്‍ നല്‍കേണ്ട പേജ് വരും

ജില്ല, പേര്, ലിംഗം, ജനന വര്‍ഷം, ഏറ്റവും അടുത്ത വാക്‌സിനേഷന്‍ കേന്ദ്രം, കോവിനില്‍ രജിസ്റ്റര്‍ ചെയ്യുമ്പോള്‍ ലഭിച്ച റഫറന്‍സ് ഐഡി എന്നിവ നല്‍കുക

ഇതോടൊപ്പം അനുബന്ധ രോഗങ്ങള്‍ വ്യക്തമാക്കുന്ന സര്‍ട്ടിഫിക്കറ്റ് അപ് ലോഡ് ചെയ്യണം. അനുബന്ധ രോഗങ്ങളുടെ പട്ടികയും രോഗസംബന്ധമായ സര്‍ട്ടിഫിക്കറ്റിന്റെ മാതൃകയും ആരോഗ്യ വകുപ്പിന്റെ വൈബ് സൈറ്റില്‍ ലഭ്യമാണ്

ഇത്രയും നല്‍കിയ ശേഷം സബ്മിറ്റ് നല്‍കുക

നല്‍കിയ രേഖകള്‍ ജില്ലാ തലത്തില്‍ പരിശോധിച്ച ശേഷം അര്‍ഹരായവരെ വാക്‌സിന്റെ ലഭ്യതയും മുന്‍ഗണനയും അനുസരിച്ച് വാക്‌സിനേഷന്‍ കേന്ദ്രം, തീയതി, സമയം എന്നിവ വ്യക്തമാക്കി എസ്എംഎസ് വഴി അറിയിക്കും

വാക്‌സിനേഷന്‍ കേന്ദ്രത്തില്‍ എത്തുമ്പോള്‍ അപ്പോയിന്റ്‌മെന്റ് എസ്എംഎസ്, ആധാറോ മറ്റ് അംഗീകൃത തിരിച്ചറിയല്‍ രേഖയോ, അനുബന്ധരോഗ സര്‍ട്ടിഫിക്കറ്റ് എന്നിവ കാണിക്കണം

Related News

ഗര്‍ഭാശയ മുഴ നീക്കം ചെയ്തതിന് പിന്നാലെ വീട്ടമ്മയുടെ മരണം; ചി ...
  • 29/12/2024
വയനാട് പുനരധിവാസം വൈകില്ലെന്ന് മന്ത്രി രാജൻ; ജനുവരി ആദ്യവാരം ...
  • 29/12/2024
'ആത്മകഥ ചോര്‍ത്തിയത് ശ്രീകുമാര്‍, എഫ്‌ഐആര്‍ ഇങ്ങനെ'; പക്ഷേ ക ...
  • 29/12/2024
നടൻ ദിലീപ് ശങ്കറിനെ തിരുവനന്തപുരത്തെ ഹോട്ടലില്‍ മരിച്ച നിലയി ...
  • 29/12/2024
ഔദ്യോഗിക യാത്രയയപ്പില്ല, ഗവര്‍ണര്‍ ആരിഫ് മുഹമ്മദ് ഖാന്‍ ഇന്ന ...
  • 28/12/2024
പെരിയ ഇരട്ടകൊലപാതക കേസ്: 10 പ്രതികളെ വെറുതെ വിട്ടതില്‍ അപ്പീ ...
  • 28/12/2024
തിരുവില്വാമലയില്‍ ഓടിക്കൊണ്ടിരുന്ന ബസില്‍ നിന്ന് തെറിച്ച്‌ വ ...
  • 28/12/2024
കരുവന്നൂര്‍ ബാങ്കിലെ മുൻ മാനേജര്‍ ബിജു കരിമീന് തിരിച്ചടി ,വ് ...
  • 28/12/2024
'അച്ഛന് ഗുരുതര അസുഖം'; വ്യാജ രേഖയുണ്ടാക്കി പരോളിന് ശ്രമം, ഉത ...
  • 28/12/2024
പുതുവര്‍ഷത്തില്‍ പാപ്പാഞ്ഞിയെ കത്തിക്കില്ല; കൊച്ചിന്‍ കാര്‍ണ ...
  • 28/12/2024
മകനെ കഞ്ചാവുമായി പിടികൂടിയിട്ടില്ല; വാര്‍ത്ത അടിസ്ഥാന രഹിതം: ...
  • 28/12/2024
60 വയസ് പൂര്‍ത്തിയായവര്‍ക്ക് പ്രത്യേക കൗണ്ടര്‍; പമ്ബയില്‍ സ് ...
  • 28/12/2024