ഇനിമുതല്‍ സ്വയം കോവിഡ് പരിശോധന നടത്താം; എന്താണ് 'മൈലാബ് കോവിസെല്‍ഫ്'

  • 21/05/2021



ന്യൂഡല്‍ഹി: കൊവിഡ് ബാധയുണ്ടെന്ന് സംശയമുള്ളവര്‍ക്ക് ഇനിമുതല്‍ സ്വയം പരിശോധന നടത്താം. ഇതിനായുള്ള കിറ്റിന് ഐസിഎംആര്‍ അംഗീകാരം നല്‍കി. ലാബുകളില്‍ പോയി പരിശോധിക്കുന്നതിലെ ബുദ്ധിമുട്ടുകള്‍, വീടുകളില്‍ എത്തി പരിശോധന നടത്താനുള്ള ആളുകളുടെ അഭാവം എന്നിവ നികത്താന്‍ ഇത് സഹായിക്കും. പരിശോധനാഫലം പൂര്‍ണമായും ശരിയായി കൊള്ളണമെന്നില്ല.

പൂനെ ആസ്ഥാനമായി പ്രവര്‍ത്തിക്കുന്ന മൈലാബ് എന്ന കമ്പനിയാണ് പരിശോധന കിറ്റ് തയാറാക്കിയത്. റാപ്പിഡ് ആന്റിജന്‍ പരിശോധനയുടെ മാതൃകയാണ് ഇത് പിന്തുടരുന്നത്. മൂക്കില്‍ നിന്ന് സ്വാബ് ശേഖരിച്ചതിന് 20 മിനുട്ടുകള്‍ക്ക് ശേഷം ഫലം അറിയാന്‍ സാധിക്കും. ഒരു കിറ്റിന് 250 രൂപയാണ് വില. പരിശോധന ഫലം പോസിറ്റീവ് ആണെങ്കില്‍ വീണ്ടും ആര്‍ടിപിസിആര്‍ പരിശോധനയുടെ ആവശ്യം ഇല്ല. മൊബൈല്‍ ആപ്പുമായി ബന്ധപ്പെടുത്തിയിട്ടുള്ളതിനാല്‍ ഐസിഎംആറിന് നേരിട്ട് വിവരങ്ങള്‍ ലഭ്യമാകും. പൊതുസ്ഥലങ്ങളില്‍ വെച്ച് പരിശോധന നടത്താന്‍ പാടില്ല. രോഗലക്ഷണം ഉണ്ടായിട്ടും പരിശോധനയില്‍ നെഗറ്റീവ് ആവുകയാണെങ്കില്‍ ആര്‍ടിപിസിആര്‍ പരിശോധനയ്ക്ക് വിധേയമാകണം.

പ്രീഫില്‍ഡ് എക്‌സ്ട്രാക്ഷന്‍ ട്യൂബ്, അണുവിമുക്തമായ നാസല്‍ സ്വാബ്, ഒരു ടെസ്റ്റിംഗ് കാര്‍ഡ്, ബയോ ഹാസാര്‍ഡ് ബാഗ് എന്നിവയാണ് കിറ്റിലുള്ളത്. സ്വാബ് രണ്ട് മുതല്‍ നാല് സെന്റി മീറ്റര്‍ വരെ മൂക്കിനുള്ളിലേക്ക് കടത്തണം. ലഭിച്ച സ്വാബ് എക്‌സ്ട്രാക്ഷന്‍ ട്യൂബിനുള്ളില്‍ ചുറ്റിച്ച് അതിലുള്ള ദ്രാവാകവുമായി കൂടിച്ചേരാന്‍ അനുവദിക്കണം. ട്യൂബ് മുറുക്കി അടക്കുക. എക്‌സ്ട്രാക്ഷന്‍ ട്യൂബില്‍ നിന്ന് രണ്ട് തുള്ളി ടെസ്റ്റിംഗ് കാര്‍ഡിലേക്ക് ഒഴിക്കുക. ടെസ്റ്റിംഗ് കാര്‍ഡില്‍ രണ്ട് വര തെളിയുകയാണെങ്കില്‍ പോസിറ്റീവ് ആയിരിക്കും. ഒന്ന് ആണെങ്കില്‍ നെഗറ്റീവും. ട്യൂബും, സ്വാബും ബയോ ഹസാര്‍ഡ് ബാഗിലാക്കി മലിന്യങ്ങളുടെ ഒപ്പം നിക്ഷേപിക്കുക. പൂര്‍ണ ഫലം ഉറപ്പുവരുത്തുന്നില്ല.

Related News

സീപ്ലെയിൻ പദ്ധതിക്കെതിരെ മത്സ്യത്തൊഴിലാളികള്‍ സമരത്തിന്; ആലപ ...
  • 16/11/2024
നാല് മണിക്കൂര്‍ നീണ്ട തിരച്ചില്‍, ചതുപ്പില്‍ ഒളിച്ചിരുന്ന കു ...
  • 16/11/2024
അവസാന വേഷമെന്ന് അറിഞ്ഞില്ല, കാണികളെ ആര്‍ത്തു ചിരിപ്പിച്ച്‌ അ ...
  • 16/11/2024
'സന്ദീപ് വാര്യര്‍ കോണ്‍ഗ്രസില്‍ നീണാള്‍ വാഴട്ടെ'; ആശംസിച്ച്‌ ...
  • 16/11/2024
സംസ്ഥാനത്തെ ഭരണ രംഗത്ത് ഇനി മുതല്‍ 'ടിയാരി' വേണ്ട; സര്‍ക്കുല ...
  • 16/11/2024
സന്ദീപ് വാര്യ‍ര്‍ ഇനി കോണ്‍ഗ്രസുകാരൻ; 'സ്നേഹത്തിന്റെ കടയില്‍ ...
  • 16/11/2024
മുസ്ലിം ലീഗും യുഡിഎഫും സര്‍ക്കാരിനൊപ്പമുണ്ട്, വയനാടിന് ആവശ്യ ...
  • 15/11/2024
അഞ്ച് മാസത്തെ കാത്തിരിപ്പ്, ശക്തന്‍ പ്രതിമ പുനഃസ്ഥാപിച്ചു
  • 15/11/2024
ഏഴാം ക്ലാസ് തുല്യതാ പരീക്ഷ പാസായി ഇന്ദ്രന്‍സ്; അഭിനന്ദിച്ച്‌ ...
  • 15/11/2024
റഹീമിൻ്റെ മോചനത്തിന് സമാഹരിച്ചത് 47.87 കോടി, ചെലവ് 36. 27 കോ ...
  • 15/11/2024
വയനാട് പുനരധിവാസം; പണം കേരളത്തിന്‍റെ ദുരന്ത നിവരണ ഫണ്ടില്‍ ഉ ...
  • 15/11/2024
പള്ളി കമ്മിറ്റിയുടെ മുന്‍ വൈസ് പ്രസിഡന്‍റിനും വഖഫ് നോട്ടീസ്; ...
  • 15/11/2024