ലക്ഷദ്വീപില്‍ ഇന്റര്‍നെറ്റ് വേഗത കുറഞ്ഞു, സന്ദര്‍ശകര്‍ക്ക് വിലക്ക്; പ്രതിഷേധങ്ങള്‍ക്കിടെ അഡ്മിനിസ്‌ട്രേറ്റര്‍ ഇന്നെത്തും

  • 30/05/2021



 
കവരത്തി: ലക്ഷദ്വീപില്‍ ഇന്റര്‍നെറ്റ് വേഗത കുറഞ്ഞു. ഇതുമൂലം പല തരത്തിലുള്ള പ്രതിസന്ധിക്ക് കാരണമായി. അഡ്മിനിസ്‌ട്രേറ്റര്‍ പ്രഫുല്‍ ഖോഡാ പട്ടേല്‍ കൊണ്ടുവന്ന നിയമങ്ങളുടെ കരടില്‍ തങ്ങളുടെ അഭിപ്രായം രേഖപ്പെടുത്താനാവുന്നില്ലെന്ന് പരാതി ഉയര്‍ന്നിട്ടുണ്ട്.ഓണ്‍ലൈന്‍ വഴി ചേയ്യേണ്ട എല്ലാ കാര്യങ്ങളിലും ഇത് പ്രശ്‌നം സൃഷ്ടിച്ചിട്ടുണ്ട്. ഓണ്‍ലൈനില്‍ ടിക്കറ്റുകള്‍ ബുക്കുചെയ്യാന്‍ കഴിയാത്തത് യാത്ര ബുദ്ധിമുട്ടാക്കി.

ജൂണ്‍ 7ന് സ്‌കൂളുകള്‍ ഓണ്‍ലൈനായി ക്ലാസുകള്‍ തുടങ്ങാനിരിക്കുകയാണ്. ഇന്റര്‍നെറ്റ് സ്പീഡ് കുറയുന്നത് ക്ലാസുകളെ ബാധിക്കും. അധ്യാപകരോട് ജോലിക്ക് ഹാജരാവാന്‍ ലക്ഷദ്വീപ് അഡിമിനിസ്‌ട്രേഷന്‍ ആവശ്യപ്പെട്ടിട്ടുണ്ടെങ്കിലും ടിക്കറ്റില്ലാതെ മറ്റ് ദ്വീപുകളില്‍ നിന്ന് വിദ്യാഭ്യാസ വകുപ്പ് ആസ്ഥാനത്തേക്കെത്താന്‍ കഴിയാത്ത സ്ഥിതിയാണ്.

അതേസമയം, ജനവിരുദ്ധമായ പുതിയ പരിഷ്‌കാരങ്ങള്‍ക്കെതിരേ പ്രതിഷേധം നുരഞ്ഞുപൊന്തുന്നതിനിടെ അഡ്മിനിസ്‌ട്രേറ്റര്‍ പ്രഫുല്‍ പട്ടേല്‍ ഇന്ന് ദ്വീപിലെത്തിയേക്കുമെന്ന് സൂചന. ലക്ഷദ്വീപ് ബിജെപി പ്രവര്‍ത്തകരെയടക്കം ഉള്‍പ്പെടുത്തി രൂപീകരിച്ച കോര്‍കമ്മിറ്റി അഡ്മിനിസ്‌ട്രേറ്ററെ നേരില്‍കണ്ട് സംസാരിച്ചേക്കും. വിവാദ പരിഷ്‌കാരങ്ങളില്‍ നിന്ന് പിന്നോട്ട് പോവാന്‍ അഡ്മിനിസ്‌ട്രേറ്റര്‍ തയ്യാറാവാത്ത സാഹചര്യത്തില്‍ തുടര്‍പ്രക്ഷോഭങ്ങളുമായി മുന്നോട്ട് പോകാനാണ് കമ്മിറ്റിയുടെ തീരുമാനം.

അതിനിടെ, കലക്ടര്‍ അസ്‌കറലിക്കെതിരേ പ്രതിഷേധിച്ച കൂടുതല്‍ പേര്‍ കില്‍ത്താന്‍ ദ്വീപില്‍ അറസ്റ്റിലായി. ലക്ഷദ്വീപില്‍ ഇന്ന് മുതല്‍ സന്ദര്‍ശകര്‍ക്ക് വിലക്ക് നിലവില്‍ വരും. നിലവില്‍ സന്ദര്‍ശകപാസില്‍ എത്തിയവരോട് ഒരാഴ്ചയ്ക്കകം ദ്വീപ് വിടണമെന്ന് അഡ്മിനിസ്‌ട്രേഷന്‍ ഉത്തരവിട്ട സാഹചര്യത്തില്‍ സന്ദര്‍ശകര്‍ നാട്ടിലേക്ക് മടങ്ങിത്തുടങ്ങും.

അതേസമയം, ലക്ഷദ്വീപ് അഡ്മിനിസ്‌ട്രേഷന്‍ കൊണ്ടുവരുന്ന ജനദ്രോഹ നടപടികള്‍ തടയുന്നതിനായി നിയമപരമായി മുന്നോട്ടുപോവാന്‍ ഇന്നലെ ചേര്‍ന്ന സര്‍വകക്ഷി യോഗം തീരുമാനിച്ചു. ഇതിനായി നിയമവിദഗ്ധരുമായി കൂടിയാലോചിച്ച് തുടര്‍നടപടികള്‍ സ്വീകരിക്കും. ഓണ്‍ലൈനായി ചേര്‍ന്ന സര്‍വകക്ഷി യോഗത്തില്‍ 'സേവ് ലക്ഷദ്വീപ് ഫോറം' എന്ന പേരില്‍ ഒരു കോര്‍ കമ്മിറ്റിയും രൂപീകരിച്ചു. വരുന്ന ജൂണ്‍ ഒന്നിന് കൊച്ചിയില്‍ കോര്‍ കമ്മിറ്റി യോഗം ചേര്‍ന്ന് തുടര്‍നടപടികള്‍ സ്വീകരിക്കും.

നിയവിദഗ്ധരുമായി കൂടിയാലോചിച്ച് കേരള ഹൈക്കോടതിയിലും ആവശ്യമെങ്കില്‍ സുപ്രിംകോടതിയിലും നിയമപരമായി പോരാട്ടം നടത്തുന്നതിന് ജൂണ്‍ ഒന്നിന് ചേരുന്ന യോഗത്തില്‍ തീരുമാനിക്കും. കോര്‍ കമ്മിറ്റിയുടെ ജോയിന്റ് കണ്‍വീനര്‍മാരായി മുന്‍ എംപി ഡോ. പി പി കോയ, മുന്‍ ജില്ലാ പഞ്ചായത്ത് പ്രസിഡന്റ് യു സി കെ തങ്ങള്‍ എന്നിവരെ തിരഞ്ഞെടുത്തു. ഡോ. കെ പി മുഹമ്മദ് സാദിഖിനെ കോ ഓഡിനേറ്ററായും സി ടി നജ്മുദ്ദീന്‍, കോമലം കോയാ എന്നിവരെ ഡെപ്യൂട്ടി കോ ഓഡിനേറ്റര്‍മാരായും തിരഞ്ഞെടുത്തു. ജില്ലാ പഞ്ചായത്ത് മെംബര്‍ കാസ്മിക്കോയ കമ്മിറ്റിയില്‍ സ്ഥിരം അംഗമായിരിക്കും.

Related News

സീപ്ലെയിൻ പദ്ധതിക്കെതിരെ മത്സ്യത്തൊഴിലാളികള്‍ സമരത്തിന്; ആലപ ...
  • 16/11/2024
നാല് മണിക്കൂര്‍ നീണ്ട തിരച്ചില്‍, ചതുപ്പില്‍ ഒളിച്ചിരുന്ന കു ...
  • 16/11/2024
അവസാന വേഷമെന്ന് അറിഞ്ഞില്ല, കാണികളെ ആര്‍ത്തു ചിരിപ്പിച്ച്‌ അ ...
  • 16/11/2024
'സന്ദീപ് വാര്യര്‍ കോണ്‍ഗ്രസില്‍ നീണാള്‍ വാഴട്ടെ'; ആശംസിച്ച്‌ ...
  • 16/11/2024
സംസ്ഥാനത്തെ ഭരണ രംഗത്ത് ഇനി മുതല്‍ 'ടിയാരി' വേണ്ട; സര്‍ക്കുല ...
  • 16/11/2024
സന്ദീപ് വാര്യ‍ര്‍ ഇനി കോണ്‍ഗ്രസുകാരൻ; 'സ്നേഹത്തിന്റെ കടയില്‍ ...
  • 16/11/2024
മുസ്ലിം ലീഗും യുഡിഎഫും സര്‍ക്കാരിനൊപ്പമുണ്ട്, വയനാടിന് ആവശ്യ ...
  • 15/11/2024
അഞ്ച് മാസത്തെ കാത്തിരിപ്പ്, ശക്തന്‍ പ്രതിമ പുനഃസ്ഥാപിച്ചു
  • 15/11/2024
ഏഴാം ക്ലാസ് തുല്യതാ പരീക്ഷ പാസായി ഇന്ദ്രന്‍സ്; അഭിനന്ദിച്ച്‌ ...
  • 15/11/2024
റഹീമിൻ്റെ മോചനത്തിന് സമാഹരിച്ചത് 47.87 കോടി, ചെലവ് 36. 27 കോ ...
  • 15/11/2024
വയനാട് പുനരധിവാസം; പണം കേരളത്തിന്‍റെ ദുരന്ത നിവരണ ഫണ്ടില്‍ ഉ ...
  • 15/11/2024
പള്ളി കമ്മിറ്റിയുടെ മുന്‍ വൈസ് പ്രസിഡന്‍റിനും വഖഫ് നോട്ടീസ്; ...
  • 15/11/2024