കേരളത്തില്‍ വീടുകള്‍ക്കുള്ളിലെ രോഗവ്യാപനം 100 ശതമാനം; മൂന്നാം തരംഗത്തിലേക്കുള്ള സൂചനയെന്ന് വിദഗ്ധര്‍

  • 07/07/2021



തിരുവനന്തപുരം: ഇതര സംസ്ഥാനങ്ങളില്‍ കൊവിഡ് രോഗികളുടെ എണ്ണം ദിനംപ്രതി കുറയുമ്‌ബോള്‍ ആശങ്കയായി കേരളം. ടെസ്റ്റ് പോസിറ്റിവിറ്റി നിരക്ക് ഉദ്ദേശിച്ചത്ര കുറയ്ക്കാന്‍ ഇതുവരെ ആരോഗ്യവകുപ്പിന് സാധിച്ചിട്ടില്ല. ഇതോടെ നിയന്ത്രണങ്ങള്‍ കടുപ്പിക്കുകയെന്നല്ലാതെ സര്‍ക്കാരിന് മുന്നില്‍ മറ്റ് വഴികളില്ലാതെയായിരിക്കുകയാണ്. ഇതോടെ എന്ത് ചെയ്യണമെന്നറിയാതെ നട്ടംതിരിയുകയാണ് സാധാരണക്കാര്‍.

രണ്ടാംതരംഗത്തിന്റെ തുടക്കത്തില്‍ രോഗികള്‍ ഉയര്‍ന്നിരുന്ന സംസ്ഥാനങ്ങളിലെല്ലാം രോഗവ്യാപനം ശമിച്ചു. ഒരാഴ്ചത്തെ ശരാശരി രോഗികളുടെ എണ്ണത്തിലും മറ്റുസംസ്ഥാനങ്ങളെക്കാള്‍ മുന്നിലാണ് കേരളം. കൊവിഡ് മരണങ്ങളില്‍ നിലവില്‍ എട്ടാം സ്ഥാനത്താണ് കേരളം.

ഒരാഴ്ചത്തെ ശരാശരി രോഗികളുടെ എണ്ണം ഇങ്ങനെ കേരളം12109, മഹാരാഷ്ട്ര8767, തമിഴ്‌നാട് 4189, കര്‍ണാടക 2755. ചുരുക്കി പറഞ്ഞാല്‍ രാജ്യത്തെ ആകെ രോഗികളില്‍ അഞ്ചിലൊന്നും കൊച്ചു കേരളത്തിലാണ്. വീടുകള്‍ക്കുള്ളിലെ രോഗവ്യാപനം 100 ശതമാനത്തോളമെന്നാണ് ആരോഗ്യവിദഗ്ദ്ധര്‍ ചൂണ്ടിക്കാട്ടുന്നത്. ഇടവിട്ടുളള ദിവസങ്ങളിലെ നിയന്ത്രണങ്ങള്‍ പൊതുനിരത്തിലും കടകളിലും തിരക്കു വര്‍ദ്ധിക്കാന്‍ കാരണമാകുന്നുവെന്നും വിമര്‍ശനമുണ്ട്.

രാജ്യത്ത് രോഗസ്ഥിരീകരണ നിരക്ക് 3.1 മാത്രമെങ്കില്‍ കേരളത്തില്‍ ഇത് പത്തിന് മുകളിലാണ്. രാജ്യത്ത് നാലരലക്ഷം പേര്‍ ചികിത്സയില്‍ കഴിയുന്നതില്‍ ഒരു ലക്ഷവും ഇവിടെയാണ്. കുടുംബത്തിലൊരാള്‍ക്ക് കൊവിഡ് ബാധിച്ചാല്‍ എല്ലാവരും പോസിറ്റീവാകുന്നതും കേരളത്തിലെ കാഴ്ചയാണ്. രോഗികളുടെ എണ്ണം കുറഞ്ഞു നില്‍ക്കുമ്‌ബോഴും വൈറസ് ബാധിക്കുന്നവരെ വീടുകളില്‍ നിന്ന് മാറ്റാത്തതാണ് ഇതിനുകാരണമെന്നാണ് പറയപ്പെടുന്നത്. .

രോഗം വരാന്‍ സാദ്ധ്യതയുളളവരുടെ എണ്ണം കൂടുതലായതിനാല്‍ അതീവ ജാഗ്രത വേണമെന്നാണ് വിദഗ്ദ്ധരുടെ നിര്‍ദേശം. മൂന്നാം തരംഗത്തിലേയ്ക്കുള്ള സൂചനയായും ഉയര്‍ന്ന പ്രതിദിന രോഗബാധയെ വിദഗ്ദ്ധര്‍ വിലയിരുത്തുന്നുണ്ട്. സമ്ബര്‍ക്കപ്പട്ടികയിലുള്ളവരെ കണ്ടെത്തുന്നതിലും നിരീക്ഷണത്തിലാക്കുന്നതിലും ജാഗ്രത വേണമെന്ന് കേരളം സന്ദര്‍ശിക്കുന്ന കേന്ദ്ര സംഘം തന്നെ സര്‍ക്കാരിന് നിര്‍ദേശം നല്‍കിയിട്ടുണ്ട്.

Related News

നാല് മണിക്കൂര്‍ നീണ്ട തിരച്ചില്‍, ചതുപ്പില്‍ ഒളിച്ചിരുന്ന കു ...
  • 16/11/2024
അവസാന വേഷമെന്ന് അറിഞ്ഞില്ല, കാണികളെ ആര്‍ത്തു ചിരിപ്പിച്ച്‌ അ ...
  • 16/11/2024
'സന്ദീപ് വാര്യര്‍ കോണ്‍ഗ്രസില്‍ നീണാള്‍ വാഴട്ടെ'; ആശംസിച്ച്‌ ...
  • 16/11/2024
സംസ്ഥാനത്തെ ഭരണ രംഗത്ത് ഇനി മുതല്‍ 'ടിയാരി' വേണ്ട; സര്‍ക്കുല ...
  • 16/11/2024
സന്ദീപ് വാര്യ‍ര്‍ ഇനി കോണ്‍ഗ്രസുകാരൻ; 'സ്നേഹത്തിന്റെ കടയില്‍ ...
  • 16/11/2024
മുസ്ലിം ലീഗും യുഡിഎഫും സര്‍ക്കാരിനൊപ്പമുണ്ട്, വയനാടിന് ആവശ്യ ...
  • 15/11/2024
അഞ്ച് മാസത്തെ കാത്തിരിപ്പ്, ശക്തന്‍ പ്രതിമ പുനഃസ്ഥാപിച്ചു
  • 15/11/2024
ഏഴാം ക്ലാസ് തുല്യതാ പരീക്ഷ പാസായി ഇന്ദ്രന്‍സ്; അഭിനന്ദിച്ച്‌ ...
  • 15/11/2024
റഹീമിൻ്റെ മോചനത്തിന് സമാഹരിച്ചത് 47.87 കോടി, ചെലവ് 36. 27 കോ ...
  • 15/11/2024
വയനാട് പുനരധിവാസം; പണം കേരളത്തിന്‍റെ ദുരന്ത നിവരണ ഫണ്ടില്‍ ഉ ...
  • 15/11/2024
പള്ളി കമ്മിറ്റിയുടെ മുന്‍ വൈസ് പ്രസിഡന്‍റിനും വഖഫ് നോട്ടീസ്; ...
  • 15/11/2024
ആത്മകഥാ വിവാദത്തിന് പിന്നില്‍ ഗൂഢാലോചനയെന്ന് ആവര്‍ത്തിച്ച്‌ ...
  • 15/11/2024