ഫലപ്രാപ്തിക്കു വേണ്ടിയാണ് രണ്ടാം ഡോസിന്റെ ഇടവേള കൂട്ടിയത്; കോവിഷീൽഡ് 3-ാം ഡോസ് നല്‍കാന്‍ നിലവില്‍ വ്യവസ്ഥയില്ല: കേന്ദ്രസർക്കാർ ഹൈക്കോടതിയിൽ

  • 26/08/2021



കൊച്ചി: കോവിഷീൽഡ് വാക്സിന്റെ രണ്ടാം ഡോസിന്റെ ഇടവേള കൂട്ടിയത് ഫലപ്രാപ്തിക്കു വേണ്ടിയാണെന്ന് കേന്ദ്രസർക്കാർ ഹൈക്കോടതിയിൽ. ഇടവേള 84 ദിവസമാക്കിയത് വാക്സിൻക്ഷാമം കൊണ്ടല്ലെന്നും കേന്ദ്രം വിശദീകരിച്ചു. മൂന്നാംഡോസ് വാക്സിൻ നൽകാൻ നിലവിൽ വ്യവസ്ഥയില്ലെന്നും കേന്ദ്രസർക്കാർ ഹൈക്കോടതിയെ അറിയിച്ചു.

കൊറോണ വാക്സിനുമായി ബന്ധപ്പെട്ട് ഇന്ന് രണ്ടു ഹർജികളാണ് ഹൈക്കോടതി മുൻപാകെ വന്നത്. ഇതിലൊന്ന് കിറ്റക്സ് കമ്പനി നൽകിയതായിരുന്നു. തങ്ങളുടെ ജീവനക്കാർക്ക് കോവിഷീൽഡിന്റെ വാക്സിന്റെ ആദ്യ ഡോസ് നൽകിയെന്നും അതു കഴിഞ്ഞ് 45 ദിവസമായിട്ടും രണ്ടാം ഡോസ് കുത്തിവെപ്പ് നൽകാൻ അനുമതി നൽകുന്നില്ല എന്നായിരുന്നു കിറ്റക്സിന്റെ പരാതി. വാക്സിൻ എടുക്കാൻ അനുമതി നൽകണമെന്ന് ആവശ്യപ്പെട്ടാണ് കിറ്റക്സ് ഹൈക്കോടതിയെ സമീപിച്ചത്.

കിറ്റക്സിന്റെ ഹർജി പരിഗണിക്കവേ ഹൈക്കോടതി കേന്ദ്രസർക്കാരിന്റെ വിശദീകരണം തേടി. ഈ വിശദീകരണത്തിലാണ്, കോവിഷീൽഡിന്റെ രണ്ടാമത്തെ ഡോസിന് 84 ദിവസത്തെ ഇടവേള നിശ്ചയിച്ചത് ഫലപ്രാപ്തിക്കു വേണ്ടിയാണെന്ന് സർക്കാർ കോടതിയെ അറിയിച്ചത്. വാക്സിന്റെ ലഭ്യതക്കുറവ് കൊണ്ടാണോ ഇടവേള വർധിപ്പിച്ചതെന്ന് കോടതി ചോദിച്ചിരുന്നു. 

കണ്ണൂർ സ്വദേശിയായ ഗിരികുമാർ എന്നയാൾ സമർപ്പിച്ച ഹർജിയും പിന്നീട് കോടതി മുൻപാകെ വന്നു. കോവാക്സിൻ കുത്തിവെപ്പാണ് ഇദ്ദേഹം എടുത്തിരുന്നത്. എന്നാൽ അതിനു ശേഷം വിദേശത്തേക്ക് പോകാൻ ശ്രമിച്ചപ്പോൾ, കോവാക്സിന് വിദേശരാജ്യങ്ങൾ അംഗീകാരം നൽകാത്തതിനാൽ പോകാൻ കഴിഞ്ഞില്ല. ഇതിനു പിന്നാലെയാണ്, സൗദിയിലേക്ക് ജോലിക്കു പോകാൻ മൂന്നാംഡോസ് ആയി കോവിഷീൽഡ് വാക്സിൻ കുത്തിവെക്കാൻ അനുമതി തേടി ഗിരികുമാർ ഹൈക്കോടതിയെ സമീപിച്ചത്. ഈ ഹർജിയിലും കേന്ദ്രസർക്കാർ വിശദീകരണം നൽകി.

Related News

മുസ്ലിം ലീഗും യുഡിഎഫും സര്‍ക്കാരിനൊപ്പമുണ്ട്, വയനാടിന് ആവശ്യ ...
  • 15/11/2024
അഞ്ച് മാസത്തെ കാത്തിരിപ്പ്, ശക്തന്‍ പ്രതിമ പുനഃസ്ഥാപിച്ചു
  • 15/11/2024
ഏഴാം ക്ലാസ് തുല്യതാ പരീക്ഷ പാസായി ഇന്ദ്രന്‍സ്; അഭിനന്ദിച്ച്‌ ...
  • 15/11/2024
റഹീമിൻ്റെ മോചനത്തിന് സമാഹരിച്ചത് 47.87 കോടി, ചെലവ് 36. 27 കോ ...
  • 15/11/2024
വയനാട് പുനരധിവാസം; പണം കേരളത്തിന്‍റെ ദുരന്ത നിവരണ ഫണ്ടില്‍ ഉ ...
  • 15/11/2024
പള്ളി കമ്മിറ്റിയുടെ മുന്‍ വൈസ് പ്രസിഡന്‍റിനും വഖഫ് നോട്ടീസ്; ...
  • 15/11/2024
ആത്മകഥാ വിവാദത്തിന് പിന്നില്‍ ഗൂഢാലോചനയെന്ന് ആവര്‍ത്തിച്ച്‌ ...
  • 15/11/2024
രണ്ട് ചക്രവാതച്ചുഴികള്‍, കേരളത്തില്‍ ഇടിയോടുകൂടി മഴയെത്തും, ...
  • 14/11/2024
ആത്മകഥ വിവാദം; ഇ പി ജയരാജന്‍ സിപിഎം സംസ്ഥാന സെക്രട്ടേറിയറ്റി ...
  • 14/11/2024
ആത്മകഥാ വിവാദം; 'ഇപി ജയരാജനോട് പാര്‍ട്ടി വിശദീകരണം ചോദിക്കേണ ...
  • 14/11/2024
കൊച്ചിയിലെത്തിയ വിമാനത്തിൻ്റെ സീറ്റില്‍ ഒരു ടിഷ്യു പേപ്പര്‍; ...
  • 14/11/2024
പ്രത്യേക മുന്നറിയിപ്പുമായി പൊലീസ്; 'വൈദ്യുതി കെണിയൊരുക്കുന്ന ...
  • 14/11/2024