കെ ബാബു എംഎല്‍എയുടെ വാഹനത്തില്‍ ടോള്‍ ബാര്‍ വീണു; കുമ്പളം ടോള്‍ പ്ലാസയില്‍ സംഘര്‍ഷം

  • 27/08/2021



കൊച്ചി; കെ ബാബു എംഎല്‍എയുടെ വാഹനത്തില്‍ ടോള്‍ ബാര്‍ വീണ് കേടുപാടുണ്ടായതിനെ തുടര്‍ന്ന് കുമ്പളം ടോള്‍ പ്ലാസയില്‍ സംഘര്‍ഷം. എംഎല്‍എ ബോര്‍ഡ് വച്ച വാഹനമായിട്ടും ടോള്‍ ജീവനക്കാര്‍ തടയുകയും മോശമായി പെരുമാറുകയും ചെയ്തതായാണ് ആരോപണം. തുടര്‍ന്ന് ടോള്‍ പ്ലാസയില്‍ കോണ്‍ഗ്രസ് പ്രവര്‍ത്തകര്‍ പ്രതിഷേധവുമായി എത്തുകയായിരുന്നു. ഇടക്കൊച്ചിയില്‍ പരിപാടിയില്‍ പങ്കെടുക്കാന്‍ പോവുകയായിരുന്നു എംഎല്‍എ. മുന്നിലെ വാഹനം കടന്നു പോയപ്പോള്‍ ഉയര്‍ന്ന ടോള്‍ ബാര്‍ എംഎല്‍എയുടെ വാഹനം എത്തിയതോടെ താഴ്ന്നു.

വാഹനത്തില്‍ തട്ടിയ ടോള്‍ ബാര്‍ വളഞ്ഞു. ഡ്രൈവറുടെ വശത്തെ കണ്ണാടിക്കും കാറിന്റെ മുന്‍ഭാഗത്തും കേടുപാട് പറ്റി. തുടര്‍ന്ന് വാഹനം ഒതുക്കി നിര്‍ത്തി നിര്‍ത്തി ഒരു മണിക്കൂറോളം ടോള്‍ കമ്പനിയുടെ അധികൃതര്‍ക്കായി എംഎല്‍എ കാത്തുനിന്നു. എന്നാല്‍ ആരും എത്തിയില്ല.

ഇതര സംസ്ഥാന ജീവനക്കാര്‍ മോശമായി സംസാരിച്ചതായും തെറ്റ് സമ്മതിക്കാന്‍ പോലും തയാറായില്ലെന്നും എംഎല്‍എ പറഞ്ഞു. ഇതോടെയാണ് സംഘര്‍ഷത്തിന് കാരണമായത്. ടോള്‍ ഗേറ്റ് തുറന്നു കൊടുത്ത് അര മണിക്കൂറോളം വാഹനങ്ങള്‍ കടത്തിവിട്ടു. കുറ്റക്കാര്‍ക്കെതിരെ കേസെടുക്കാമെന്ന് പൊലീസ് ഉറപ്പ് നല്‍കിയതോടെയാണ് സമരക്കാര്‍ പിന്‍വാങ്ങിയത്. ടോള്‍ ബാറിന്റെ സെന്‍സര്‍ തകരാറാണ് കാരണമെന്ന് ടോള്‍ കമ്പനി അധികൃതര്‍ പറഞ്ഞു. മോശമായി പെരുമാറിയ ജീവനക്കാര്‍ക്കെതിരെ നടപടി എടുക്കുമെന്നും വ്യക്തമാക്കി.

Related News

മുസ്ലിം ലീഗും യുഡിഎഫും സര്‍ക്കാരിനൊപ്പമുണ്ട്, വയനാടിന് ആവശ്യ ...
  • 15/11/2024
അഞ്ച് മാസത്തെ കാത്തിരിപ്പ്, ശക്തന്‍ പ്രതിമ പുനഃസ്ഥാപിച്ചു
  • 15/11/2024
ഏഴാം ക്ലാസ് തുല്യതാ പരീക്ഷ പാസായി ഇന്ദ്രന്‍സ്; അഭിനന്ദിച്ച്‌ ...
  • 15/11/2024
റഹീമിൻ്റെ മോചനത്തിന് സമാഹരിച്ചത് 47.87 കോടി, ചെലവ് 36. 27 കോ ...
  • 15/11/2024
വയനാട് പുനരധിവാസം; പണം കേരളത്തിന്‍റെ ദുരന്ത നിവരണ ഫണ്ടില്‍ ഉ ...
  • 15/11/2024
പള്ളി കമ്മിറ്റിയുടെ മുന്‍ വൈസ് പ്രസിഡന്‍റിനും വഖഫ് നോട്ടീസ്; ...
  • 15/11/2024
ആത്മകഥാ വിവാദത്തിന് പിന്നില്‍ ഗൂഢാലോചനയെന്ന് ആവര്‍ത്തിച്ച്‌ ...
  • 15/11/2024
രണ്ട് ചക്രവാതച്ചുഴികള്‍, കേരളത്തില്‍ ഇടിയോടുകൂടി മഴയെത്തും, ...
  • 14/11/2024
ആത്മകഥ വിവാദം; ഇ പി ജയരാജന്‍ സിപിഎം സംസ്ഥാന സെക്രട്ടേറിയറ്റി ...
  • 14/11/2024
ആത്മകഥാ വിവാദം; 'ഇപി ജയരാജനോട് പാര്‍ട്ടി വിശദീകരണം ചോദിക്കേണ ...
  • 14/11/2024
കൊച്ചിയിലെത്തിയ വിമാനത്തിൻ്റെ സീറ്റില്‍ ഒരു ടിഷ്യു പേപ്പര്‍; ...
  • 14/11/2024
പ്രത്യേക മുന്നറിയിപ്പുമായി പൊലീസ്; 'വൈദ്യുതി കെണിയൊരുക്കുന്ന ...
  • 14/11/2024