നിക്ഷേപിച്ച സ്വര്‍ണവും പണവും തിരിച്ചുകിട്ടിയില്ല; നാദാപുരം പൊലീസ് സ്‌റ്റേഷനില്‍ പരാതി പ്രവാഹം

  • 28/08/2021


നാദാപുരം: നിക്ഷേപകരുടെ പണവുമായി ജ്വല്ലറി ഉടമകള്‍ മുങ്ങിയെന്ന പരാതിയുമായി നിരവധി പേര്‍ നാദാപുരം പൊലീസ് സ്‌റ്റേഷനില്‍. കല്ലാച്ചി, കുറ്റിയാടി, പയ്യോളി എന്നിവിടങ്ങളില്‍ പ്രവര്‍ത്തിച്ചിരുന്ന ഗോള്‍ഡ് പാലസ് ജ്വല്ലറി ഉടമകള്‍ക്കെതിരെയാണ് നിക്ഷേപിച്ച സ്വര്‍ണവും പണവും തിരിച്ചു ലഭിക്കുന്നില്ലെന്നാരോപിച്ച് ഇടപാടുകാര്‍ രംഗത്തെത്തിയത്.

വ്യാഴാഴ്ചയാണ് കല്ലാച്ചി സംസ്ഥാന പാതയില്‍ പ്രവര്‍ത്തിക്കുന്ന ജ്വല്ലറിയില്‍ എത്തി ഇടപാടുകാര്‍ പണം തിരികെ ആവശ്യപ്പെട്ട് പ്രതിഷേധിച്ചത്. പത്തു പവന്‍ മുതല്‍ ഒരു കിലോവരെ സ്വര്‍ണവും, ലക്ഷക്കണക്കിന് രൂപയും നിക്ഷേപിച്ചവരുണ്ട്. നാദാപുരം, കുറ്റിയാടി മേഖലയിലുള്ളവരാണ് നിക്ഷേപകരില്‍ ഏറെയും. കുറ്റിയാടി, പയ്യോളി എന്നിവിടങ്ങല്‍ ജ്വല്ലറി തുറക്കാതായതോടെയാണ് കല്ലാച്ചി ശാഖയിലേക്ക് നിക്ഷേപകര്‍ വ്യാഴാഴ്ച രാവിലെ എത്തി പണം തിരികെ ആവശ്യപ്പെട്ടത്.

ആദ്യമെത്തിയ കുറച്ചുപേര്‍ക്ക് രേഖ പ്രകാരമുള്ള സ്വര്‍ണാഭരണങ്ങള്‍ നല്‍കി ജ്വല്ലറിയിലുണ്ടായിരുന്ന മാനേജറും മറ്റും തിരിച്ചയച്ചതായി ജീവനക്കാര്‍ പറഞ്ഞു. ജ്വല്ലറിയിലെത്തുന്നവരുടെ എണ്ണം കൂടിയതോടെ ജീവനക്കാരറിയാതെ മാനേജരും നടത്തിപ്പുകാരും സ്ഥലം വിടുകയായിരുന്നു. ഇതോടെ ജ്വല്ലറിയില്‍ ബഹളമായി. കാര്യങ്ങള്‍ സംഘര്‍ഷാവസ്ഥയില്‍ എത്തിയതോടെ ജീവനക്കാര്‍ നാദാപുരം പൊലീസ് സ്‌റ്റേഷനില്‍ വിവരം അറിയിച്ചു.

സ്ഥലത്തെത്തിയ പൊലീസ് ജീവനക്കാരെ ഇടപാടുകാരില്‍ നിന്ന് രക്ഷിച്ച് സ്‌റ്റേഷനിലെത്തിക്കുകയായിരുന്നു. ഉടമകളെ ഫോണില്‍ ബന്ധപ്പെടാന്‍ പൊലീസ് ശ്രമിച്ചെങ്കിലും എല്ലാവരുടെയും ഫോണ്‍ സ്വിച്ച് ഓഫ് ആണ്. ഇതിനിടെ പയ്യോളി, കൊയിലാണ്ടി എന്നിവിടങ്ങളില്‍ നിന്നുള്ള സ്ത്രീകളടക്കമുള്ള നിക്ഷേപകരും സ്‌റ്റേഷനിലെത്തി. വെള്ളിയാഴ്ചയും പണം നിക്ഷേപിച്ച സത്രീകള്‍ അടക്കമുള്ള നിരവധി പേര്‍ ജ്വല്ലറിയിലെത്തി. എന്നാല്‍, സ്ഥാപനം അടഞ്ഞുകിടക്കുന്നതിനാല്‍ നിരാശയോടെ മടങ്ങി.

ജ്വല്ലറിയിലെ സേഫില്‍ ആഭരണങ്ങള്‍ ഉണ്ടെന്നാണ് ജീവനക്കാര്‍ പൊലീസിന് മൊഴി നല്‍കിയത്. സേഫിന്റെ താക്കോല്‍ പൊലീസ് കസ്റ്റഡിയിലെടുത്തിട്ടുണ്ട്. സ്‌റ്റേഷനിലെത്തിയ ഇടപാടുകാര്‍ നിക്ഷേപത്തിന്റെ വിവരങ്ങള്‍ സഹിതം പരാതി നല്‍കുകയും ചെയ്തിട്ടുണ്ട്. അന്വേഷണം കുറ്റിയാടി സ്‌റ്റേഷനിലേക്ക് മാറ്റിയിരിക്കുകയാണ്. സംഭവത്തില്‍ കരണ്ടോട് സ്വദേശി മാജിദയുടെ പരാതിയില്‍ മാനേജിങ് പാര്‍ട്ണറായ വടയം സ്വദേശി കബീറിനെതിരെ കുറ്റിയാടി പൊലീസ് കേസ് എടുത്തു.

Related News

മുസ്ലിം ലീഗും യുഡിഎഫും സര്‍ക്കാരിനൊപ്പമുണ്ട്, വയനാടിന് ആവശ്യ ...
  • 15/11/2024
അഞ്ച് മാസത്തെ കാത്തിരിപ്പ്, ശക്തന്‍ പ്രതിമ പുനഃസ്ഥാപിച്ചു
  • 15/11/2024
ഏഴാം ക്ലാസ് തുല്യതാ പരീക്ഷ പാസായി ഇന്ദ്രന്‍സ്; അഭിനന്ദിച്ച്‌ ...
  • 15/11/2024
റഹീമിൻ്റെ മോചനത്തിന് സമാഹരിച്ചത് 47.87 കോടി, ചെലവ് 36. 27 കോ ...
  • 15/11/2024
വയനാട് പുനരധിവാസം; പണം കേരളത്തിന്‍റെ ദുരന്ത നിവരണ ഫണ്ടില്‍ ഉ ...
  • 15/11/2024
പള്ളി കമ്മിറ്റിയുടെ മുന്‍ വൈസ് പ്രസിഡന്‍റിനും വഖഫ് നോട്ടീസ്; ...
  • 15/11/2024
ആത്മകഥാ വിവാദത്തിന് പിന്നില്‍ ഗൂഢാലോചനയെന്ന് ആവര്‍ത്തിച്ച്‌ ...
  • 15/11/2024
രണ്ട് ചക്രവാതച്ചുഴികള്‍, കേരളത്തില്‍ ഇടിയോടുകൂടി മഴയെത്തും, ...
  • 14/11/2024
ആത്മകഥ വിവാദം; ഇ പി ജയരാജന്‍ സിപിഎം സംസ്ഥാന സെക്രട്ടേറിയറ്റി ...
  • 14/11/2024
ആത്മകഥാ വിവാദം; 'ഇപി ജയരാജനോട് പാര്‍ട്ടി വിശദീകരണം ചോദിക്കേണ ...
  • 14/11/2024
കൊച്ചിയിലെത്തിയ വിമാനത്തിൻ്റെ സീറ്റില്‍ ഒരു ടിഷ്യു പേപ്പര്‍; ...
  • 14/11/2024
പ്രത്യേക മുന്നറിയിപ്പുമായി പൊലീസ്; 'വൈദ്യുതി കെണിയൊരുക്കുന്ന ...
  • 14/11/2024