കണക്കില്ലാത്ത അക്കൗണ്ടുകളും നിക്ഷേപകരിലെ അവ്യക്തതയും: എ.ആര്‍ നഗര്‍ ബാങ്കിലെ തട്ടിപ്പും ക്രമക്കേടും നിരവധി

  • 16/09/2021


മലപ്പുറം: എ.ആർ നഗർ സർവീസ് സഹകരണ ബാങ്കിലെ തട്ടിപ്പും ക്രമക്കേടും സംബന്ധിച്ച് പുറത്ത് വരുന്നത് ഞെട്ടിക്കുന്ന വിവരങ്ങളും അതിനപ്പുറത്തുള്ള രാഷ്ട്രീയ ഒത്തുതീർപ്പിന്റെ സംശയങ്ങളും ബലപ്പെടുത്തുന്ന സംഗതികളാണ്.

കണക്കില്ലാത്ത അക്കൗണ്ടുകളും നിക്ഷേപകരിലെ അവ്യക്തതയും വ്യാപകമാണ്. 50,839 അംഗങ്ങളുള്ള എ.ആർ നഗർ ബാങ്കിൽ മൊത്തം അക്കൗണ്ടുകൾ 80,000ൽ അധികമാണ്. ഇതിൽ തന്നെ ആദായനികുതി വകുപ്പിന്റെ പരിശോധനയിൽ സംശയകരമായ 257 അക്കൗണ്ടുകൾ കണ്ടെത്തിയിട്ടുണ്ട്.

2017 മുതൽ നാളിതുവരെ 12 അന്വേഷണ റിപ്പോർട്ടുകളിൽ കോടികളുടെ ക്രമക്കേട് റിപ്പോർട്ട് ചെയ്യപ്പെട്ട് മലപ്പുറം ജോയിന്റ് രജിസ്ട്രാറുടെ മുന്നിലെത്തി. തിരൂരങ്ങാടി അസിസ്റ്റന്റ് രജിസ്ട്രാറുടെ നേതൃത്വത്തിൽ നടത്തിയ അന്വേഷണത്തിൽ കോടികളുടെ തിരിമറി സ്ഥിരീകരിച്ചു. കോടികൾ വായ്പ നൽകിയ ഇത്തരത്തിലെ പല അക്കൗണ്ട് ഉടമകളുടെ വിവരവും ലഭ്യമല്ല. ഒരു ഡസനിലധികം പരാതികളെത്തിയതിൽ ആകെ ഉണ്ടായ നടപടി ബാങ്കിന്റെ അഡ്മിനിസ്ട്രേറ്റീവ് ഓഫീസർ ഹരികുമാറിനെ നിയമിച്ച ഉത്തരവ് റദ്ദാക്കിയത് മാത്രമാണ്. ആ കേസ് ഇപ്പോഴും കോടതിയുടെ പരിഗണനയിലും.

അവസാനത്തെ ഓഡിറ്റ് റിപ്പോർട്ട് പ്രകാരം സംഘത്തിന്റെ നഷ്ടം നാലര കോടിയിലേറെയാണ്. എന്നാൽ ലാഭം 15 കോടിയോളമാണെന്നാണ് ഹരികുമാർ പറയുന്നു. കോടികളുടെ അഴിമതി സംഘം കേന്ദ്രീകരിച്ച് നടക്കുന്നുവെന്ന മുൻ മന്ത്രി കെ.ടി ജലീലിന്റെ ആരോപണം പി.കെ കുഞ്ഞാലിക്കുട്ടിയെ ലക്ഷ്യം വെച്ചുള്ളതാണെന്നും അതിന് ബാങ്കിനെ ഉപയോഗിക്കുകയാണെന്നുമാണ് ബാങ്ക് ഭരണസമിതി ആരോപിക്കുന്നത്.

ബാങ്കിൽ അക്കൗണ്ട് ഉടമസ്ഥന്റെ വിവരം ലഭ്യമാകുന്നതിന് കെ.വൈ.സി സമർപ്പിക്കണമെന്ന നിയമം പോലും മറികടന്നുവെന്ന് ചൂണ്ടിക്കാണിക്കുമ്പോൾ പക്ഷേ കെ.വൈ.സി നിയമം പ്രാബല്യത്തിൽ വരുന്നതിന് മുൻപുള്ള അക്കൗണ്ടുകളാണെന്നതാണ് ന്യായീകരണം. ഇത്തരത്തിൽ വ്യാജ അക്കൗണ്ട് ഉപയോഗിച്ച് നൽകിയ വായ്പയും തിരിച്ചടവും എങ്ങനെയാണെന്നത് സംബന്ധിച്ചും അവ്യക്തതയുണ്ട്.

നിരവധി പരാതികളുണ്ടായിട്ടും ഒന്നും നടപടിക്ക് വിധേയമാകാത്തത് രാഷ്ട്രീയ ഒത്തുതീർപ്പിന്റെ ഭാഗമാണെന്നും ആരോപണമുണ്ട്. പി.കെ കുഞ്ഞാലിക്കുട്ടിക്കും മകനുമെതിരെ കെ.ടി ജലീൽ ഉന്നയിച്ച ആരോപണത്തിൽ മാത്രം ഒതുങ്ങുന്നതല്ല എ.ആർ നഗറിലെ ക്രമക്കേടെന്ന് വ്യക്തം. കുഞ്ഞാലിക്കുട്ടിയുടെ മകൻ ആഷികിന്റെ എൻ.ആർ.ഐ കറന്റ് നിക്ഷേപം കൂരിയാട് എസ്.ബി.ഐ ബാങ്കിൽ നിന്ന് എ.ആർ നഗറിലേക്ക് മാറ്റിയത് ആർ.ബി.ഐ ചട്ടപ്രകാരമാണോ എന്നതുൾപ്പെടെ ജലീൽ ഉന്നയിക്കുന്ന ചോദ്യങ്ങളാണ്.

Related News

അഞ്ച് മാസത്തെ കാത്തിരിപ്പ്, ശക്തന്‍ പ്രതിമ പുനഃസ്ഥാപിച്ചു
  • 15/11/2024
ഏഴാം ക്ലാസ് തുല്യതാ പരീക്ഷ പാസായി ഇന്ദ്രന്‍സ്; അഭിനന്ദിച്ച്‌ ...
  • 15/11/2024
റഹീമിൻ്റെ മോചനത്തിന് സമാഹരിച്ചത് 47.87 കോടി, ചെലവ് 36. 27 കോ ...
  • 15/11/2024
വയനാട് പുനരധിവാസം; പണം കേരളത്തിന്‍റെ ദുരന്ത നിവരണ ഫണ്ടില്‍ ഉ ...
  • 15/11/2024
പള്ളി കമ്മിറ്റിയുടെ മുന്‍ വൈസ് പ്രസിഡന്‍റിനും വഖഫ് നോട്ടീസ്; ...
  • 15/11/2024
ആത്മകഥാ വിവാദത്തിന് പിന്നില്‍ ഗൂഢാലോചനയെന്ന് ആവര്‍ത്തിച്ച്‌ ...
  • 15/11/2024
രണ്ട് ചക്രവാതച്ചുഴികള്‍, കേരളത്തില്‍ ഇടിയോടുകൂടി മഴയെത്തും, ...
  • 14/11/2024
ആത്മകഥ വിവാദം; ഇ പി ജയരാജന്‍ സിപിഎം സംസ്ഥാന സെക്രട്ടേറിയറ്റി ...
  • 14/11/2024
ആത്മകഥാ വിവാദം; 'ഇപി ജയരാജനോട് പാര്‍ട്ടി വിശദീകരണം ചോദിക്കേണ ...
  • 14/11/2024
കൊച്ചിയിലെത്തിയ വിമാനത്തിൻ്റെ സീറ്റില്‍ ഒരു ടിഷ്യു പേപ്പര്‍; ...
  • 14/11/2024
പ്രത്യേക മുന്നറിയിപ്പുമായി പൊലീസ്; 'വൈദ്യുതി കെണിയൊരുക്കുന്ന ...
  • 14/11/2024
ഇ പിയെ പിന്നില്‍ നിന്ന് കുത്തിയത് പാര്‍ട്ടി നേതാക്കള്‍; അന്വ ...
  • 14/11/2024