വൻസുരക്ഷാ വീഴ്ച; പട്ടാപ്പകൽ തിരുവനന്തപുരത്തെ ബ്രഹ്മോസിൽ ചെറിയ ബാഗുമായി അജ്ഞാതൻ കയറി; അന്വേഷണം ഊർജ്ജിതം

  • 24/09/2021


തിരുവനന്തപുരം: ചാക്കയിലെ ബ്രഹ്മോസ് എയ്‌റോ സ്‌പേസില്‍ അജ്ഞാതന്‍ കയറിയെന്ന സംശയത്തെ തുടര്‍ന്ന് രാത്രിയില്‍ പൊലീസ് പരിശോധന നടത്തി. ശംഖുംമുഖം അസിസ്റ്റന്റ് കമ്മിഷണറുടെ നേതൃത്വത്തില്‍ ബോംബ് സ്‌ക്വാഡും ഡോഗ് സ്‌ക്വാഡും രാത്രി വൈകിയും പരിശോധന തുടര്‍ന്നെങ്കിലും ആരെയും കണ്ടെത്താനായില്ല.

ഇന്നലെ ഉച്ചയ്ക്ക് രണ്ടിന് ഐ.എസ്.ആര്‍.ഒ പ്രതിനിധികളുടെ യോഗം ബ്രഹ്മോസില്‍ നടന്നിരുന്നു. യോഗം നടക്കുന്നതിനിടയില്‍ അഡ്മിനിട്രേഷന്‍ ബ്ലോക്കിന് പുറത്ത് ബാഗുമായി ഒരാളെ ബ്രഹ്മോസിലെ എച്ച്‌.ആര്‍ മാനേജര്‍ കണ്ടിരുന്നു. മിനിട്ടുകള്‍ക്ക് ശേഷം ഇയാളെ കാണാതായി. ഇയാള്‍ ഐ.എസ്.ആര്‍.ഒ പ്രതിനിധിയാണെന്ന് ആദ്യം കരുതിയെങ്കിലും ചര്‍ച്ചയ്‌ക്കെത്തിയ സംഘത്തോടൊപ്പം ഇയാള്‍ ഉണ്ടായിരുന്നില്ലെന്ന് സി.സി ടിവി ദൃശ്യങ്ങളില്‍ നിന്ന് വ്യക്തമായി.

ജീവനക്കാര്‍ക്കും ഉന്നത ഉദ്യോഗസ്ഥരടക്കമുള്ളവര്‍ക്കും ബ്രഹ്മോസിലേക്ക് പ്രവേശിക്കണമെങ്കില്‍ ബാഗും മൊബൈല്‍ഫോണും ഗേറ്റിലെ സെക്യൂരിറ്റി ഓഫീസിലേക്ക് നല്‍കണം. എന്നാല്‍ ചെറിയ ഹാന്‍ഡ് ബാഗുമായി ഒരാള്‍ എങ്ങനെ അകത്ത് എത്തിയെന്ന സംശയത്തെ തുടര്‍ന്ന് സുരക്ഷാ ജീവനക്കാര്‍ ബ്രഹ്മോസ് വളപ്പില്‍ പരിശോധന നടത്തിയെങ്കിലും ആരെയും കണ്ടില്ല.

സുപ്രധാന വിവരം ചോര്‍ത്തുകയോ ബോംബോ മറ്റോ സ്ഥാപിക്കുകയോ ചെയ്‌തോ എന്ന ആശങ്കയെ തുടര്‍ന്ന് ആറു മണിയോടെയാണ് പൊലീസില്‍ വിവരം അറിയിച്ചത്. തുടര്‍ന്നാണ് ശംഖുമുഖം അസി. കമ്മിഷണര്‍ പൃഥ്വിരാജിന്റെ നേതൃത്വത്തിലുള്ള സംഘം സ്ഥലത്തെത്തി പരിശോധന തുടങ്ങിയത്. ബ്രഹ്മോസിലെ ഓരോ കെട്ടിടങ്ങളും രണ്ടുവട്ടം പരിശോധിച്ചു. സ്ഥാപനത്തിന് പുറത്തെ സി.സി ടിവി ദൃശ്യങ്ങളും പരിശോധിക്കാന്‍ പൊലീസ് നടപടി തുടങ്ങി.

Related News

അഞ്ച് മാസത്തെ കാത്തിരിപ്പ്, ശക്തന്‍ പ്രതിമ പുനഃസ്ഥാപിച്ചു
  • 15/11/2024
ഏഴാം ക്ലാസ് തുല്യതാ പരീക്ഷ പാസായി ഇന്ദ്രന്‍സ്; അഭിനന്ദിച്ച്‌ ...
  • 15/11/2024
റഹീമിൻ്റെ മോചനത്തിന് സമാഹരിച്ചത് 47.87 കോടി, ചെലവ് 36. 27 കോ ...
  • 15/11/2024
വയനാട് പുനരധിവാസം; പണം കേരളത്തിന്‍റെ ദുരന്ത നിവരണ ഫണ്ടില്‍ ഉ ...
  • 15/11/2024
പള്ളി കമ്മിറ്റിയുടെ മുന്‍ വൈസ് പ്രസിഡന്‍റിനും വഖഫ് നോട്ടീസ്; ...
  • 15/11/2024
ആത്മകഥാ വിവാദത്തിന് പിന്നില്‍ ഗൂഢാലോചനയെന്ന് ആവര്‍ത്തിച്ച്‌ ...
  • 15/11/2024
രണ്ട് ചക്രവാതച്ചുഴികള്‍, കേരളത്തില്‍ ഇടിയോടുകൂടി മഴയെത്തും, ...
  • 14/11/2024
ആത്മകഥ വിവാദം; ഇ പി ജയരാജന്‍ സിപിഎം സംസ്ഥാന സെക്രട്ടേറിയറ്റി ...
  • 14/11/2024
ആത്മകഥാ വിവാദം; 'ഇപി ജയരാജനോട് പാര്‍ട്ടി വിശദീകരണം ചോദിക്കേണ ...
  • 14/11/2024
കൊച്ചിയിലെത്തിയ വിമാനത്തിൻ്റെ സീറ്റില്‍ ഒരു ടിഷ്യു പേപ്പര്‍; ...
  • 14/11/2024
പ്രത്യേക മുന്നറിയിപ്പുമായി പൊലീസ്; 'വൈദ്യുതി കെണിയൊരുക്കുന്ന ...
  • 14/11/2024
ഇ പിയെ പിന്നില്‍ നിന്ന് കുത്തിയത് പാര്‍ട്ടി നേതാക്കള്‍; അന്വ ...
  • 14/11/2024