രാഷ്ട്രീയപാർട്ടി തുടങ്ങിയത് വിജയ്ക്ക് വേണ്ടി: എസ്.എ ചന്ദ്രശേഖരൻ

  • 29/09/2021

ചെന്നൈ: രാഷ്ട്രീയപാർട്ടിയ്ക്ക് താൻ തുടക്കം കുറിച്ചത് വിജയിനുവേണ്ടിയാണെന്ന് പിതാവ് എസ്.എ ചന്ദ്രശേഖരൻ. തന്റെ നേട്ടത്തിന് വേണ്ടി ഒന്നും ചെയ്തിട്ടില്ലെന്നും അദ്ദേഹം പറഞ്ഞു.

'രാഷ്ട്രീയത്തിൽ വിജയിന് ഒരു അടിത്തറയുണ്ടാക്കാനാണ് ഞാൻ ശ്രമിച്ചത്. പക്ഷേ വിജയ്ക്ക് അതു വേണ്ട. തന്റെ പേരിൽ പാർട്ടി വരുന്നതിനെ എതിർത്ത് വിജയ് കോടതിയെ സമീപിച്ചു. ഞാൻ പിരിച്ചു വിടുകയും ചെയ്തു.

വിജയ് സിനിമയിൽ നമ്പർ വൺ ആണ്. ഞാനാണ് അദ്ദേഹത്തെ സിനിമയിലേക്ക് കൊണ്ടുവന്നത്. എല്ലാത്തിലും വിജയ് ഒന്നാമത് എത്തണമെന്ന് ഒരു പിതാവെന്ന നിലയിൽ ആഗ്രഹിക്കുന്നു. എന്നാൽ നിലവിലെ സാഹചര്യത്തിൽ വിജയ് സിനിമ ആസ്വദിക്കട്ടെ. ഇപ്പോൾ രാഷ്ട്രീയത്തിലേക്ക് വരണമെന്ന് ഞാൻ പറയില്ല'- എസ്.എ ചന്ദ്രശേഖർ പറഞ്ഞു.

രാഷ്ട്രീയ പാർട്ടി രൂപവത്കരണവുമായി ബന്ധപ്പെട്ട കേസിൽ ചെന്നൈ സിറ്റി സിവിൽ കോടതിയിൽ സമർപ്പിച്ച സത്യവാങ്മൂലത്തിൽ പാർട്ടി പിരിച്ചു വിട്ടുവെന്ന് ചന്ദ്രശേഖർ വ്യക്തമാക്കിയിരുന്നു.

രാഷ്ട്രീയ പ്രവർത്തനത്തിന് തന്റെ പേരോ ചിത്രമോ ആരാധക സംഘടനയുടെ പേരോ ഉപയോഗിക്കുന്നത് തടയണമെന്നാവശ്യപ്പെട്ട് ഏപ്രിലിലാണ് വിജയ് ഹർജി സമർപ്പിച്ചത്. ദളപതി വിജയ് മക്കൾ ഇയക്കം എന്ന ആരാധക സംഘടനയെ ചന്ദ്രശേഖർ രാഷ്ട്രീയ പാർട്ടിയാക്കാൻ തീരുമാനിച്ചതോടെയാണ് വിജയ് അച്ഛനും അമ്മയ്ക്കും മറ്റു ഒമ്പത് പേർക്കുമെതിരേ നിയമനടപടിയ്ക്കൊരുങ്ങിയത്.

തമിഴ്നാട് നിയമസഭാ തിരഞ്ഞെടുപ്പിന് തൊട്ടുമുമ്പായിരുന്നു ചന്ദ്രശേഖർ ജനറൽ സെക്രട്ടറിയും അമ്മ ശോഭ ഖജാൻജിയുമായി പാർട്ടി രൂപവത്കരിക്കാനുള്ള നടപടിയാരംഭിച്ചത്. ഇത് എതിർത്ത വിജയ് രാഷ്ട്രീയ പ്രവർത്തനത്തിനായി തന്റെ പേരും ചിത്രവും ഉപയോഗിക്കുന്നത് വിലക്കാൻ കോടതിയെ സമീപിക്കുകയായിരുന്നു.

ചന്ദ്രശേഖറിന്റെ സത്യവാങ്മൂലം സ്വീകരിച്ച കോടതി എതിർകക്ഷികളിൽ ഒരാളായ മഹേന്ദ്രന് നോട്ടീസ് ലഭിക്കാത്തതിനാൽ കേസ് ഒക്ടോബർ 29-ന് വീണ്ടും പരിഗണിക്കാൻ നീട്ടി.

അച്ഛൻ രാഷ്ട്രീയപ്പാർട്ടി ആരംഭിക്കുന്നത് വിലക്കിയ വിജയ് ഇപ്പോൾ തദ്ദേശ തിരഞ്ഞെടുപ്പിൽ മത്സരിക്കാൻ ആരാധക സംഘടനാംഗങ്ങൾക്ക് അനുമതി നൽകിയിട്ടുണ്ട്. സ്വതന്ത്ര സ്ഥാനാർഥികളായി മത്സരിക്കാനാണ് നിർദേശം. എന്നാൽ വിജയുടെ ചിത്രവും സംഘടനയുടെ കൊടിയും ഉപയോഗിക്കാം. വിജയ് മക്കൾ ഇയക്കത്തിന്റെ രണ്ട് സ്ഥാനാർഥികൾ ഇതിനകം ഗ്രാമപ്പഞ്ചായത്ത് അംഗങ്ങളായി എതിരില്ലാതെ തിരഞ്ഞെടുക്കപ്പെട്ടിട്ടുണ്ട്.

Related News

റഹീമിൻ്റെ മോചനത്തിന് സമാഹരിച്ചത് 47.87 കോടി, ചെലവ് 36. 27 കോ ...
  • 15/11/2024
വയനാട് പുനരധിവാസം; പണം കേരളത്തിന്‍റെ ദുരന്ത നിവരണ ഫണ്ടില്‍ ഉ ...
  • 15/11/2024
പള്ളി കമ്മിറ്റിയുടെ മുന്‍ വൈസ് പ്രസിഡന്‍റിനും വഖഫ് നോട്ടീസ്; ...
  • 15/11/2024
ആത്മകഥാ വിവാദത്തിന് പിന്നില്‍ ഗൂഢാലോചനയെന്ന് ആവര്‍ത്തിച്ച്‌ ...
  • 15/11/2024
രണ്ട് ചക്രവാതച്ചുഴികള്‍, കേരളത്തില്‍ ഇടിയോടുകൂടി മഴയെത്തും, ...
  • 14/11/2024
ആത്മകഥ വിവാദം; ഇ പി ജയരാജന്‍ സിപിഎം സംസ്ഥാന സെക്രട്ടേറിയറ്റി ...
  • 14/11/2024
ആത്മകഥാ വിവാദം; 'ഇപി ജയരാജനോട് പാര്‍ട്ടി വിശദീകരണം ചോദിക്കേണ ...
  • 14/11/2024
കൊച്ചിയിലെത്തിയ വിമാനത്തിൻ്റെ സീറ്റില്‍ ഒരു ടിഷ്യു പേപ്പര്‍; ...
  • 14/11/2024
പ്രത്യേക മുന്നറിയിപ്പുമായി പൊലീസ്; 'വൈദ്യുതി കെണിയൊരുക്കുന്ന ...
  • 14/11/2024
ഇ പിയെ പിന്നില്‍ നിന്ന് കുത്തിയത് പാര്‍ട്ടി നേതാക്കള്‍; അന്വ ...
  • 14/11/2024
ആന എഴുന്നള്ളിപ്പ്; സുപ്രധാന മാര്‍ഗ നിര്‍ദേശവുമായി ഹൈക്കോടതി; ...
  • 14/11/2024
ഇടുക്കി വഴിയുള്ള ശബരിമല തീര്‍ത്ഥാടനം; സുരക്ഷ കേരളവും തമിഴ്നാ ...
  • 13/11/2024