കുവൈത്ത് സിറ്റി: കുവൈത്ത് അന്താരാഷ്ട്ര വിമാനത്താവളത്തിലെ ടെർമിനൽ ഒന്നിൽ (T1) നാഷണൽ ബാങ്ക് ഓഫ് കുവൈത്തിന്റെ (NBK) ശാഖ വീണ്ടും പ്രവർത്തനം ആരംഭിച്ചു.വിമാനത്താവളം വഴി യാത്ര ചെയ്യുന്നവർക്കും ജീവനക്കാർക്കും ബാങ്കിങ് സേവനങ്ങൾ കൂടുതൽ സൗകര്യപ്രദമായി ലഭ്യമാക്കുന്നതിന്റെ ഭാഗമായാണ് ശാഖ വീണ്ടും തുറന്നത്.
യാത്രക്കാർക്ക് വിമാനത്താവളത്തിൽവെച്ചുതന്നെ ആവശ്യമായ ബാങ്കിങ് ഇടപാടുകൾ നടത്താനുള്ള സൗകര്യമാണ് ഇതിലൂടെ ലഭ്യമാകുന്നത്.ഉപഭോക്താക്കൾക്ക് കൂടുതൽ സൗകര്യപ്രദമായ ബാങ്കിങ് സേവനങ്ങൾ ലഭ്യമാക്കുന്നതിനും രാജ്യത്തെ പ്രധാന കേന്ദ്രങ്ങളിൽ ബാങ്കിന്റെ സാന്നിധ്യം ശക്തിപ്പെടുത്തുന്നതിനുമുള്ള എൻബികെയുടെ ശ്രമങ്ങളുടെ ഭാഗമാണ് ഈ നടപടി.എൻബികെ അറിയിച്ചതനുസരിച്ച്, 2026 നവംബർ ഒന്ന് ഞായറാഴ്ച മുതലാണ് ശാഖ വീണ്ടും പ്രവർത്തനം ആരംഭിച്ചത്.
