കുവൈത്ത് സിറ്റി: സുരക്ഷാ സാഹചര്യം സ്ഥിരതയിലായാൽ ഉടൻ കുവൈത്ത് അന്താരാഷ്ട്ര വിമാനത്താവളം വീണ്ടും പ്രവർത്തനം ആരംഭിക്കാൻ തയ്യാറാണെന്ന് സിവിൽ ഏവിയേഷൻ ഡയറക്ടറേറ്റിലെ വിവരസ്രോതസുകൾ അറിയിച്ചു. അധികൃതർ പറഞ്ഞതനുസരിച്ച്, ഡ്രോൺ ആക്രമണത്തിൽ നാശനഷ്ടം സംഭവിച്ച ടെർമിനൽ 1 (T1) ഭാഗം വേഗത്തിൽ അറ്റകുറ്റപ്പണികൾ നടത്തുന്നതിനാണ് മുൻഗണന നൽകിയിരിക്കുന്നത്.
ആക്രമണത്തിൽ ചില ജീവനക്കാർക്ക് ചെറിയ പരിക്കുകളും പരിമിതമായ വസ്തു നാശനഷ്ടങ്ങളും ഉണ്ടായതായി റിപ്പോർട്ടുണ്ട്. സംഭവത്തിന് പിന്നാലെ ബന്ധപ്പെട്ട അധികൃതർ അംഗീകൃത അടിയന്തര നടപടികൾ ഉടൻ നടപ്പാക്കി, സ്ഥലം സുരക്ഷിതമാക്കുകയും സംഭവത്തിന്റെ വിലയിരുത്തൽ നടത്തി പ്രവർത്തനക്രമങ്ങൾ ഉയർന്ന സുരക്ഷാ മാനദണ്ഡങ്ങൾ പാലിച്ച് പുനഃക്രമീകരിക്കുകയും ചെയ്തതായി അധികൃതർ അറിയിച്ചു.
