കുവൈത്ത് സിറ്റി: ഫെബ്രുവരി മാസത്തിൽ അബ്ദുള്ള അൽ മുബാറക് പ്രദേശത്ത് നടത്തിയ പരിശോധനകളിൽ 3 കടകൾ അടച്ചതും 40 അനധികൃത ഷെഡുകളും 9 ക്യാമ്പുകളും നീക്കം ചെയ്തതും മുനിസിപ്പാലിറ്റി അറിയിച്ചു.
മുനിസിപ്പാലിറ്റിയുടെ പബ്ലിക് റിലേഷൻസ് വിഭാഗം പുറത്തുവിട്ട വിവരമനുസരിച്ച്, ഫർവാനിയ മുനിസിപ്പാലിറ്റി ശാഖയിലെ നിയമലംഘനങ്ങൾ നീക്കം ചെയ്യുന്ന വിഭാഗത്തിന്റെ മേധാവിയായ എഞ്ചിനീയർ ഫഹദ് അൽ-മുവൈസ്രിയാണ് നടപടികളെക്കുറിച്ച് വിശദീകരിച്ചത്.
സംസ്ഥാന സ്വത്തുക്കൾ കൈയേറിയത് ഉൾപ്പെടെ വിവിധ നിയമലംഘനങ്ങൾക്കെതിരെ 61 മുന്നറിയിപ്പുകളും അധികൃതർ നൽകി.അതോടൊപ്പം സേവനങ്ങൾ തടസപ്പെടുത്തുന്ന രീതിയിലുള്ള നിയമലംഘനങ്ങൾക്കെതിരെയും നടപടി സ്വീകരിച്ചുവെന്നും ഒരു താൽക്കാലിക ഒഴിപ്പിക്കൽ ഉത്തരവും പുറപ്പെടുവിച്ചതായും അധികൃതർ അറിയിച്ചു.
